Bota

CNN: Dhëndri dhe bashkëshortja kanë këshilluar Trump të njohë rezultatin


Bëhu pjesë e Grupit Zyrtar të Opinion.al
>> KËTU <<
               Publikuar në : 20:38 - 08/11/20 |
Al Do

Vëmendja e gjithë botës për zgjedhjet presidenciale të SHBA, se kush do të shpallej fitues, tashmë është zhvendosur tek kampi i presidentit Donald Trump, nëse do e pranojë ai rezultatin ose jo.

Shumë figura, qoftë edhe të partisë Republikane janë shprehur se rezultati ishte i qartë dhe disa kanë uruar Joe Biden për fitore. Këtyre figurave tashmë duket se i është shtuar edhe dhëndri i Trump, Jared Kushner i cili është edhe këshilltari i tij.

CNN citon dy burime pranë rrethit të ngushtë të presidentit Trump, të cilat thonë se Kushner ka këshilluar Trump të pranojë humbjen.

Sipas CNN, edhe zonja e parë Melania Trump e ka këshilluar Presidentin se ka ardhur koha që ai të pranojë humbjen e zgjedhjeve.

Zëdhënësi i fushatës së Trump Jason Miller mohoi në Twitter këtë histori.

“Kjo histori nuk është e vërtetë. Jared e ka këshilluar @realDonaldTrump të ndjekë të gjitha mjetet juridike në dispozicion për të siguruar ligjshmërinë”.

Pasi projeksionet e numërimit të votave nxorrën Joe Biden fitues, Trump tha në një deklaratë se kandidati demokrat “po nxiton të paraqitet në mënyrë të gabuar si fitues”.

“Unë nuk do të pushoj derisa Populli Amerikan të ketë numrin e saktë të votave që meriton dhe që Demokracia kërkon”, tha Trump në deklaratë, e cila paralajmëron se beteja ligjore e fushatës do të fillojë të hënën./ Opinion.al

Pas