Te Fundit

Cipras i kërkon Ramës të respektojë ortodoksët


Bëhu pjesë e Grupit Zyrtar të Opinion.al
>> KËTU <<
               Publikuar në : 10:16 - 29/09/15 |
b.f

NJU JORK- Edi Rama gjatë vizitës në SHBA ka takuar edhe Kryeministrin e Greqisë, Aleksis Cipras. Ky është takimi i parë mes dy kryeministrave të vendeve fqinje. Drejtori i Informacionit, Endri Fuga që shoqëron Ramën në këtë vizitë ka postuar foton në Tëitter, ku shkruan “ Miqësor takimi i parë i Kryeministrit Rama me atë grek Cipras”. Ndërsa ende nuk ka një komunikatë për mediat nga zyra e shtypit pranë Kryeministrisë, në Greqi zyra e shtypit e kryeministrit grek e ka publikuar tashmë komunikatën. Duke ju referuar kësaj të fundit mësojmë se kryeministri Tsipras ka theksuar gjatë bisedës se Athina zyrtare është në anën e Shqipërisë në rrugën drejt Bashkimit Evropian. Ai i ka vënë në dukje Ramës, faktin se Shqipëria duhet të tregojë më shumë angazhim për integrimin. “Kryeministri Cipras, nënvizoi rëndësinë e gjetjes së gjuhës së përbashkët për çështjet e pazgjidhura midis dy vendeve, siç është ajo e detit, mbi bazën e të drejtës ndërkombëtare dhe në frymën e respektit të ndërsjellë”, thuhet në njoftim. Më tej, referuar gjithmonë njoftimit të Qeverisë greke, Cipras ka kërkuar të respektohen të drejtat e minoritetit grek në vendin tonë, përfshirë edhe të drejtën fetare. Kujtojmë se Kryepeshkopi Anastas është ankuar tek Cipras pas prishjes së kishës në Dhërmi.

KOMENTO (0)

Shkruaj nje koment

    Pas