Aktualitet

Çështja”Partizani”/ Qirjazi: I qëndroj versionit që kam kryer procedurë të ligjshme



Bëhu pjesë e Grupit Zyrtar të Opinion.al
>> KËTU <<
               Publikuar në : 15:46 - 26/09/22 |
Opi Nion

Ish-drejtuesi i Komandës së Mbështetjes të Logjistikës në FA, Vladimir Qiriazi ka folur për mediat pas marrjes në pyetje nga SPAK për privatizimin e ish-klubit Partizani.

Qiriazi tha se shkresat e firmosura për privatizimin e ish-klubit Partizani janë bërë me kërkesë të Gzmend Oketës, që asokohe ka qenë ministër i Mbrojtjes. Ai tha se në SPAK u pyet për periudhën që ka qenë komandant i mbështetjes logjistike nga korriku i 2008 deri në shtator të 2009 kur u transferua në Forcat e Armatosura.

“Unë i qëndroj versionit që kam kryer procedurë të ligjshme si shtetar i këtij vendi. Në çdo kohë që do të më jepej mundësia që të punoja për shtetin, do të bëja të njëjtën gjë që ka të bëjë vetëm me ligjet dhe forcimin e shtetit shqiptar. Unë kam deklaruar atë praktikë pune që kam bërë me të gjithë stafin tim të linjës vertikale, horizontale dhe vartësve të mi që gjithçka të ishte në përputhje me ligjet. Nuk e di çfarë është bërë më vonë.

Jam pyetur për periudhën që kam qenë komandant i mbështetjes logjistike nga korriku i 2008 deri në shtator të 2009 kur jam transferuar në Forcat e Armatosura. Unë kam përdorur praktikën shkencore/ligjore me eprorët e mi dhe linjën e varësisë. Firmën nuk ma ka kërkuar njeri, firmën e ka kërkuar shkresa e ardhur nga Autoriteti i Ministrisë së Mbrojtjes. Aso kohe, ministër mbrojtje ka qenë Gazmend Oketa”, tha Qirjazi.

Qiriazi u mor në pyetje nga SPAK si person që ka dijeni për rrethanat e hetimit si dhe për procedurat e ish-klubit Partizani./Opinion.al

Pas