Chris Cilliza, CNN– Sekretari i Shtetit, Mike Pompeo, mezi mundi të përmbante veten teksa qëndronte para korpusit të shtypit të Shtëpisë së Bardhë të martën pasdite.
Disa orë më parë, këshilltari i sigurisë kombëtare John Bolton, me të cilin Pompeo ishte përleshur vazhdimisht, ishte pushuar nga puna përmes Twitterit nga Presidenti Donald Trump.
Pompeo kishte fituar, dhe padyshim që po merrte një pjesë të fitores.
“Kishte shumë raste kur ambasadori Bolton dhe unë nuk binim dakord , kjo ishte e sigurt,” tha Pompeo.
“Por kjo është e vërtetë për shumë njerëz me të cilët unë bashkëveproj”. Më vonë, kur u pyet nëse ishte i befasuar nga shkarkimi i Boltonit, Pompeotha: “Unë nuk surprizohem asnjëherë”.
Ajo që më bëri më shumë përshtypje duke parë drejtpërdrejt Pompeon dhe Sekretarin e Thesarit, Steven Mnuchin, në konferencën ku duhej të ishte dhe Bolton para se të shkarkohej, ishte se sa shumë situata duhej të kalonin anëtarët e kabinetit të të Trumpit, për shkak të tij çdo ditë.
Trump tashmë kishte shkarkuar nëntë sekretarë të Kabinetit në më pak se tre vjet. Dhe kjo nuk përfshin tre këshilltarët e tij të sigurisë kombëtare, gjashtë drejtorë të komunikimit dhe disa anëtarë të tjerë të stafit dhe dorëheqjet. (Trump tashmë ka hequr më shumë zyrtarë të kabinetit në më pak se tre vjet se çdo president në 40 vitet e fundit, sipas statistikave të mbajtura nga Kathryn Dunn Tenpas në Brookings.)
Trump i mërziten bashkëpunëtorët e afërt më shpejt sesa shumicës së njerëzve iu dalin nga qejfi këngët e tyre të preferuara.
Dhe për shkak se administrata e tij kryesisht funksionon me tekat e tij, ju mund të jeni në rrethin e ngushtë brenda një jave dhe të largoheni javës tjetër, e gjitha për shkak të ndryshimit të gjendjes emocione të Presidentit. E cila më kthen në Pompeo. Ai është, pa diskutim, fëmija aktual i artë i kësaj administrate.
Trump e mori atë për të qenë drejtor i CIA-s dhe shtyu Rex Tillerson jashtë, vetëm për ta vendosur Pompeon në atë rol. Pompeo ka arritur sukses duke bërë dhe thenë duke çfarëdo që Trump dëshiron, siç dokumentohet me ekspertizë nga Susan Glasser.
Por për shkak se Trump është kaq tekanjoz dhe i paqëndrueshëm, kanalizimi i asaj që ai dëshiron për një periudhe të gjatë kohore është e pamundur. Nësë rri pranë Trumpit për një kohë të gjatë ai “do t’ju bëjë kurban”. Kjo dihet.
Pompeo mund të gjejë një mënyrë për të dalë para se Trump ti kthehet atij, por ai vijon të lërë të kuptohet njëfarë interesi për të kandiduar për postin e Senatit në Kansas. Nëse Pompeo kalon në atë shteg, do të vijë një kohë kur ai do të jetë djali që do të bllokohet dhe ndonjë tjetër i ri, i preferuar do të buzëqeshë me fitoren e tij./Opinion.al
