Aktualitet

Busti i Skënderbeut në Budapest, Meta shfaqet në krah të Kryemadhit


Bëhu pjesë e Grupit Zyrtar të Opinion.al
>> KËTU <<
               Publikuar në : 13:23 - 05/07/21 |
Opi Nion

Presidenti Ilir Meta, ka marrë pjesë në ceremoninë e vendosjes së përmendores së heroit tonë kombëtar Gjergj Kastrioti në Budapest.

Kreu i shtetit në këtë aktivitet, është shfaqur në krah të bashkëshortes së tij, kryetares së LSI-së Monika Kryemadhi.

Përmes një postimi në rrjetet sociale, Meta shkruan se rrënjët e miqësisë midis dy popujve gjenden në lidhjet dhe aleancën strategjike të Heroit tonë Kombëtar Gjergj Kastriot Skënderbeut dhe të Huniadit, prijësin ushtarak të Hungarisë.

“Me shumë kënaqësi dhe emocion të veçantë, mora pjesë sot, me ftesë të Presidentit Ader, në ceremoninë e vendosjes së përmendores së Heroit tonë Kombëtar Gjergj Kastrioti Skënderbeu, në Budapest.

Rrënjët e miqësisë midis dy popujve tanë gjenden në lidhjet legjendare dhe aleancën strategjike të Heroit tonë Kombëtar me Prijësin ushtarak dhe drejtuesin e spikatur të Hungarisë dhe të mbarë Europës Qendrore, Janosh Huniadi, të dy mburoja të vlerave dhe të traditave të qytetërimit, por edhe të identitetit tonë europian.

Ashtu si në kohën e aleancës së Kastriotit dhe të Huniadit, Hungaria mbetet një mbështetëse e palëkundur e integrimit europian të Shqipërisë dhe ne i jemi thellësisht mirënjohës. Jam i bindur se fryma e miqësisë dhe e bashkëpunimit të shkëlqyer tradicional historik midis dy vendeve dhe popujve tanë do të forcohet pa u ndalur në të ardhmen”, shkruhet në postimin e Metës./Opinion.al

Pas