Bota

Brexit dhe COVID-19, krizë për karburant në Britani


Bëhu pjesë e Grupit Zyrtar të Opinion.al
>> KËTU <<
               Publikuar në : 17:02 - 01/10/21 |
Opi Nion

Britania e Madhe po kalon momente të vështira përsa i përketë furnizimit me karburant, teksa radhët e shoferëve tashmë është bërë e zakonshme.

Mungesa e karburantit në Britani vinë si pasojë e Brexit dhe pandemia COVID-19. Në pikat e karburanteve, prej dy javësh ka mungesa të theksuara të gazit, benzinës e naftës.

Qytetarëve u duhet të presin me orë të tëra në radhë për të furnizuar serbatorët e automjeteve, e në shumë raste largohen pa e mbushur.

Rezervat kombëtare me karburant janë më se të mjaftueshme, por Britania e Madhe ka nevojë urgjente për rreth 100 mijë shoferë kamionësh, mes të cilëve edhe për drejtues të autoboteve, që furnizojnë pikat e karburantit.

Vendet e drejtuesve të kamionëve i zinin emigrantët nga vendet e Bashkimit Europian, por me hyrjen në fuqi të rregullave të reja, ato kanë mbetur bosh. Në  Britani nuk gjendet krah pune për këtë kategori. Pandemia po ashtu ka zgjatur procedurat e transportit.

Kriza mund të zgjasë me javë e ndoshta edhe me muaj të tërë. Ka nga ata analistë që thonë se një situatë e tillë mund të shkaktojë destabilitet. Për momentin, furnizimin e karburanteve e ka marrë në dorë ushtria, por megjithatë numri i ushtarëve që kanë patenta për drejtimin e mjeteve të tonazhit të rëndë është shumë i ulët./ Opinion.al

Pas