Kryesore

“Bosnja mund të shpërbëhet”, paralajmërimi i zyrtarit të lartë: Gati për luftë


Bëhu pjesë e Grupit Zyrtar të Opinion.al
>> KËTU <<
               Publikuar në : 12:16 - 02/11/21 |
Opi Nion

Përfaqësuesi kryesor i komunitetit ndërkombëtar në Bosnje, Christian Schmidt,  ka paralajmëruar se vendi është në rrezik për t’u shpërbërë dhe se ekziston një perspektivë reale e një konflikti.

Në një raport për OKB-në, Christian Schmidt, përfaqësuesi i lartë për Bosnjë dhe Hercegovinën, tha se nëse separatistët serbë zbatojnë kërcënimin e tyre për të rikrijuar ushtrinë e tyre, duke ndarë forcat e armatosura kombëtare në dysh, atëherë në Bosnje do të duhet të dërgohen më shumë paqeruajtës ndërkombëtarë, për të ndalur një lufte të re.

Detyrat paqeruajtëse ndërkombëtare në Bosnje janë aktualisht detyrë e një force të të BE-së të njohur si Eufor me rreth 700 trupa. Ndërsa NATO-ja ka një seli formale në Sarajevë.

Sipas The Guardian, në raportin e tij të parë që nga marrja e postit në gusht, Schmidt, një ish-ministër i qeverisë gjermane, paralajmëroi se Bosnja po përballej me “kërcënimin më të madh ekzistencial të periudhës së pasluftës”.

Udhëheqësi serb i Bosnjës, Milorad Dodik, po kërcënon të tërhiqet nga institucionet e nivelit shtetëror, përfshirë ushtrinë kombëtare të ndërtuar me ndihmën ndërkombëtare gjatë çerek shekullit të kaluar, dhe të rindërtojë një forcë serbe.

Kështu, Dodik është duke kërcënuar me ndarjen e Republika Sërpskës – entitet i banuar me shumice serbe – nga pjesa tjetër e Bosnjës.

Më 14 tetor, Dodik tha se do të detyronte ushtrinë boshnjake të tërhiqej nga Republika Srpska (gjysma serbe e Bosnjës) duke rrethuar kazermat dhe se nëse perëndimi do të përpiqej të ndërhynte ushtarakisht, ai kishte “miq” që kishin premtuar se do të mbështesnin kauza serbe, një referencë e supozuar për Serbinë dhe Rusinë.

Paralajmërimet e Schmidt-it për një ndarje të Bosnjë-Hercegovinës u dorëzuan ndërsa këshilli i sigurimit të OKB-së po përgatiste rezolutën e tij vjetore për rinovimin e mandatit paqeruajtës për Eufor-in dhe selinë e NATO-s, me një votim nga e mërkura./Opinion.al

Pas