Aktualitet

Boçi: Pothuajse i gjithë personeli mjekësor në Elbasan me COVID-19


Bëhu pjesë e Grupit Zyrtar të Opinion.al
>> KËTU <<
               Publikuar në : 17:57 - 09/08/20 |
Opi Nion

“Situatë katastrofike e COVID-19 në Elbasan”, kështu shprehet ish-deputeti i Partisë Demokratike, Luçiano Boçi për situatën e krijuar nga COVID-19 në këtë qytet.

Përmes një postimi në rrjetet sociale, Boçi shprehet se personeli i Njësisë vendore të kujdesit shëndetësor ka rezultuar pozitiv me koronavirus, ndërsa shton se situata është jashtë kontrollit.

Sipas ish-deputetit,  të infektuarit nuk janë karantinuar, si dhe nuk i janë testuar personat e rrethit familjar me të cilët kanë pasur kontakt.

 “Situatë katastrofike e Covid-19 në Elbasan. Pothuaj gjithë personeli i Njësisë vendore të kujdesit shëndetësor, rezulton pozitiv. Situata është lënë në rënie të lirë dhe totalisht jashtë kontrollit. Asnjë karantinim, apo teste për rrethin e kontakteve të të prekurve. Rreziku është permanent dhe neglizhenca qeveritare absolute. Asnjë masë nga Ministria e Shëndetësisë për të pamundësuar përhapjen e virusit nga kjo strukturë e shëndetit parësor, kur dihet që kontaktet e tyre me publikun janë të shpeshta. Rama e Manastirliu flasin nga kullat e… detit. Vetëm një Zot e di se si do shmanget katastrofa shëndetësore që po troket, sepse qeveria pa zot ka marrë pushime të gjata”, shkruan Boçi./ Opinion.al

Pas