Kreu i PD Sali Berisha deklaroi se Lulzim Basha dhe Enkelejd Alibeaj nuk janë të këshilluar të bëhen pjesë e protestës së 7 Korrikut.
Gjatë një interviste në emisionin “Opinion”, Berisha i cilësoi Bashën dhe Alibeajn si zjarrfikës.
Referuar pyetjes së gazetares Fatjona Mejdini se gjysma e grupit nuk e mbështet, Berisha tha: “Deklaratat i përkasin Alibashës. Ai bashkë me Bashën nuk janë të këshilluar të vijnë. Kjo për shkak se janë si zjarrfikës dhe demokratët nuk i duan. Kjo është këshillë, jo përjashtim. Dhashë një këshillë, nuk kam thënë ndalim”.
I pyetur nga gazetari Blendi Fevziu nëse ky mund të merret si kërcënim, Berisha pohoi: “Këshilla kërcënim nuk është. Tjetri mund të thotë faleminderit, unë do të vij”./Opinion.al
