Aktualitet

Berisha: 44 mijë luftëtarë na u përgjigjën në çdo kohë, të krijojmë…



Bëhu pjesë e Grupit Zyrtar të Opinion.al
>> KËTU <<
               Publikuar në : 12:57 - 11/06/22 |
Opi Nion

Kreu i Partisë Demokratike, Sali Berisha, në një takim me kryetarët e degëve tha se PD ka 44 mijë luftëtarë të cilët iu përgjigjën në çdo kohë për një lëvizje të fuqishme.

Ai u shpreh se këta mbështetës duhet që të mobilizohen dhe motivohen që të krijohet një front opozitar.

“Kemi 44 mijë luftëtarë të cilët u konfirmuan. Na u përgjigjen në çdo kohë. 44 mijë luftëtarë është një pakicë që mund të kryejë me sukses, mund të udhëheqë një lëvizje të fuqishme shpëtimtare për Shqipërinë. Këta 44 mijë luftëtarë të arrijmë t’i mobilizojmë dhe motivojmë. Të zgjerohet fronti. Kemi të bëjmë me një parti shtet dhe ajo përmbyset me një front opozitar. Duhet të ecim me krijimin e tij në të gjithë vendin. Përballë kemi një armik të egër i cili me vendosjen e monizmit paraqitet për demokracinë armiku më i rrezikshëm pas Enver Hoxhës. Ky është Edi Rama”, u shpreh Berisha.

Ndër të tjera Berisha tha se sot vendi ndodhet në një situatë shumë më të vështirë se në vitin 1991. Ai shtoi se sot Shqipëria ka një regjim monist pasi Rma ka në dorë të gjitha pushtetet.

“Ne jemi në situatë shumë më të vështirë se sa në vitin 1991. Pse ua them këtë? Në vitin 1991 kishim një regjim komunist, por ajo ishte një rrokullisje botërore. Komunizmi nuk ra në Shqipëri në fillim. Sot kemi regjim monist, kemi regjim 100% monist siç ishte në vitin 1991. Pa asnjë dallim. Përkundrazi edhe më monist se në ’91. Sot të gjitha pushtetet, pa përjashtim çdo pushtet është në duart e një njeriu, është në duart e një partie. Sot është realitet më i hidhur i Shqipërisë partia-shtet”, u shpreh Berisha.

 

Pas