Presidenti i Këshillit Evropian, Charles Michel, i ka kërkuar kreut të shtetit rus Vladimir Putin që të lirojë politikanin opozitar, Aleksei Navalny.
Michel nëpërmjet një postimi në llogarinë e tij në “Twitter” bën me dije se ditën e sotme ka zhvilluar një bisedë telefonike me Putin.
“Në bisedën time me Putinin sot, kam ritheksuar se BE-ja është e bashkuar në dënimin e ndalimit të Alexei Navalnyt dhe bën thirrje për lirimin e menjëhershëm”, shkruan Michel.
Kujtojmë se politikani opozitar Navalny u ndalua fundjavën e kaluar dhe u burgos për 30 ditë. Ai u ndalua menjëherë pas kthimit në Moskë nga Gjermania, ku u trajtua për helmim me një agjent nervor.
Gjykata është shprehur se Navalny e ka shkelur lirimin me kusht, masë që i është shqiptuar më herët, pas disa akuzave të ngritura për përvetësim fondesh, teksa vetë Navalny i ka cilësuar këto akuza si të motivuara politikisht./Opinion.al
In my call with president Putin @KremlinRussia_E today I reiterated #EU is united in its condemnation of Alexey #Navalny’s detention and calls for his immediate release.
Russia must urgently proceed with full and transparent investigation into the assassination attempt on him. pic.twitter.com/gPmhd0TB4o
— Charles Michel (@eucopresident) January 22, 2021
