Aktualitet

Basha: Rama e bleu energjinë me çmim 10 mln euro më shtrenjtë se ai në bursë


Bëhu pjesë e Grupit Zyrtar të Opinion.al
>> KËTU <<
               Publikuar në : 13:58 - 08/10/21 |
Opi Nion

Kreu i Partisë Demokratike, Lulzim Basha në një konferencë për mediat ka akuzuar qeverinë  se po ble energjinë elektrike me çmim 10 herë më shtrenjtë se sa çmimi në bursë. Sipas kryedemokratit për tre tendera diferenca e çmimit të energjisë është rreth 10 milionë euro mes çmimit të tregut dhe sa është blerë nga qeveria.

Më tej ai shtron një pyetje: Ku kanë shkuar këto para? dhe përgjigjet duke thënë: Në xhepat e zyrtarëve.

“Mjaftojnë raportimet e fundit në media për t’i çjerrë maskën me 3 tendera të tregu të lirë ku çmimi blerjes së energjisë është shumë i lartë se çmimi i bursës. Për të tre këta tendera diferenca është afro 10 mln euro. Nuk ka thatësirë, por bollëk për Edi Ramën dhe hajdutët e OSHE e KESH prej 10 mln euro të pajustifikuara mes çmimit të tregut dhe se sa e blejnë këta energjinë. Për të njëjtën sasi do paguheshin 29 mln euro, janë paguar 39 mln. Nuk duhej blerë ajo energji me këtë çmimin në këtë kohë nëse nuk do ishte shitur për dy lekë në verë energjia e kaskadës shqiptare. Pyetja që vjen është: ku shkojnë këto para? Përvoja 8 vjeçare na ka treguar se shkojnë në xhepat e zyrtarëve nga më të ulëtit te lart e më lart të një shteti që sipas raporteve të BE e SBA konsiderohet më i korruptuari në Rajon e Europë. Rama e ka zgjedhur me vetëdije këtë rrugë dhe pasojat janë se ju varfëroheni dhe një grusht personash pasurohen në mënyrë marramendëse. Një qeveri normale do kishte në qendër interesin e njerëzve, por ky pushtet ka zgjedhur interesin e këtij grushti njerëzish e të cilët ndan pushtetin politik dhe paratë e vjedhura”, tha Basha.

Pas