Aktualitet

Basha: Do të vijojmë betejën brenda dhe jashtë parlamentit


Bëhu pjesë e Grupit Zyrtar të Opinion.al
>> KËTU <<
               Publikuar në : 12:04 - 17/07/21 |
Opi Nion

Kreu i Partisë Demokratike, Lulzim Basha, në Kuvendin Kombëtar të selisë blu deklaroi se opozita do të vijojë betejën brenda dhe jashtë parlamentit.

Basha theksoi se PD nuk do të rreshtë përpjekjet brenda dhe jashtë parlamentit, derisa ndryshimi të vijë për shumicën e shqiptarëve që e donin këtë ndryshim në 25 prill.

“Ne nuk do të rreshtim përpjekjet tona brenda dhe jashtë parlamentit, derisa ndryshimi të vijë për shumicën e shqiptarëve që e donin këtë ndryshim në 25 prill, dhe e duan edhe më shumë sot, kur oferta e vetme që Rama ka, është më shumë krim, më shumë korrupsion dhe më shumë dështime.

Ne angazhohemi fort për ta kthyer shtetin shqiptar në shtet të shqiptarëve. Për ta kthyer në shtet europian. Shtet i cili mbron lirinë individuale. Garanton paprekshmërinë e jetës. Mbron pronën private dhe publike. Mbron paratë dhe ekonominë e njerëzve. Mbron dinjitetin dhe personalitetin e njeriut.

Ndaj ne do të ndërmarrim, të gjithë bashkë, të gjitha vendimet e nevojshme për ta çuar deri në fund luftën tonë kundër këtij regjimi, përmes përsosjes së mëtejshme të qeverisjes së shtëpisë tonë të përbashkët. Një shtëpi ku secili gjen vendin e vet”, tha Basha./Opinion.al

Pas