Aktualitet

Basha-Berishës: Nëse “Foltorja” është shantazh për të sabotuar PD, ky është fundi


Bëhu pjesë e Grupit Zyrtar të Opinion.al
>> KËTU <<
               Publikuar në : 17:37 - 15/11/21 |
Opi Nion

Në mbledhjen e sotme të kryesisë së PD, Basha ka ngritur disa pyetje. Kryedemokrati ka thënë se ç’punë kanë eksponentë si Suel Çela, Tom Doshi, në firmosjen e formularëve të PD-së. Ka qenë kryetari i Këshillit Kombëtar, Edi Paloka, i cili i është përgjigjur kryedemokratit duke i thënë që t’i çojë në prokurori këto raste. Por Basha është shprehur se është aq i përgjegjshëm sa për të mos e futur prokurorinë në parti.

Më tej, kryedemokrati tha se përplasjet në PD mund të ishin shmangur, nëse Sali Berisha do të kishte mbajtur fjalën dhe të mos e kishte përfshirë PD ne konfliktin e tij personal me SHBA.

Po ashtu Basha theksoi se nëse qëllimi i “Foltores” është shantazh PD-së se “po erdhën zgjedhjet, ne do t’ju dëmtojmë, që ju të mos arrini rezultat përballë Edi Ramës, ky do të jetë fundi i dhimbshëm i figurës politike të Sali Berishës.

Debati

Lulzim Basha: Kush më shpjegon çfarë pune ka Suel Cela, që mban peng kryetarët e grupseksioneve për të firmosur formularët? Çfarë pune ka Qifja me Kuvendin e PD? Po Tom Doshi? Kush a shpjegon?

Edi Paloka- Çoji ne prokurori Kryetar, mos na i trego këtu.

Lulzim Basha: Jam aq i përgjegjshëm sa të mos fus prokurorinë në parti, por ajo që dua të them është se gjithçka mund të ishte shmangur, nëse Sali Berisha do të kishte mbajtur fjalën dhe të mos e kishte përfshirë PD ne konfliktin e tij personal me SHBA. PD ka institucione, ka statut dhe nuk ka për të patur struktura paralele. Më 11 Dhjetor, mund të ketë tubim, por jo kuvend të PD. Paloka foli për mungesë vemendje nga unë për masakrën zgjedhore. Si i shërbehet kauzës së masakrës zgjedhore, kur të njëjtët persona janë thirrur, janë shtyrë apo u është shkelur syri nga Edi Rama per t’u përfshirë me formularët e PD? Nuk më dhatë asnjë përgjigje çfarë interesi ka Suel Çela? Po Qifja? Ça interesi ka Tom Doshi përveçse për të përçarë PD?

Lulzim Basha: Nëse plani i “Foltores”, i Sali Berishës është t’i bëjë shantazh PD-së me sabotim të çfarëdo zgjedhjesh që kemi përpara, po ju them se e ka shumë gabim. Eshtë një fund realisht i i dhimbshëm për përmasat e figurës së tij, e kontributit të tij jo thjesht për PD, por për Shqipërinë . Shantazh PD-së se “po erdhën zgjedhjet, ne do t’ju dëmtojmë, që ju të mos arrini rezultat përballë Edi Ramës, ky është fundi.  Uroj që të paktën këtë hap të mos e hedhë”!/Opinion.al

 

 

 

 

 

 

 

 

 

 

 

 

 

 

 

Pas