Rajoni

Kapen me 800 mijë euro në çantë, arrestohen dy të rinj shqiptarë në Itali


Bëhu pjesë e Grupit Zyrtar të Opinion.al
>> KËTU <<
               Publikuar në : 18:03 - 15/11/21 |
Opi Nion

Policia e Milanos ka arrestuar dy të rinj shqiptarë, pasi iu kanë gjetur dhe sekuestruar një shumë prej 800 mijë eurosh.

Të arrestuarit janë një 19-vjeçar dhe një 28-vjeçar, dhe mediat italiane shkruajnë se dyshimet e para janë se sasia e parave mund të jetë rezultat i trafikut të drogës.

Arrestimi i tyre u bë pas zbulimit të një apartamenti në via della Cooperation në Rozzano, që ishte baza për një bandë trafikantësh shqiptarë të drogës.

Të enjten e kaluar agjentët e seksionit të antidrogës kanë nisur një shërbim vëzhgimi dhe në orët e vona të mbrëmjes nga ky apartament kanë dalë dhe janë ndjekur dy të rinj të dyshuar. Pasi kanë udhëtuar rreth 150 metra, të dy kanë mbërritur në një parking përpara disa dyqaneve tregtare ku i priste një makinë.

Njëri prej tyre është afrua, mori një tufë parash që ia dha një burrë në makinë dhe u kthye në apartament, ndërsa tjetri që ishte me të, me një çantë shpine, qëndroi në parking edhe për dhjetë minuta të tjera. Në këtë moment vjen një tjetër makinë, ku hipën i riu dhe zbret pak më tutje, për t’u kthyer më pas në ndërtesën në via della Cooperation.

Më pas, policia antidrogë vendosi të ndalonte të riun dhe pas kontrollit ushtruar në çantën e shpinës iu gjetën një sasi e madhe parash, të paketuara në mbështjellës celofani të mbushur me vakum.

Më pas policia u zhvendos në banesën e tyre ku u gjetën edhe atje një çantë e mbushur me euro, fletore të shumta ku mbaheshin shënim paratë, qese plastike tashmë të hapura si dhe dy telefona prodhim i fundit.

Policia konstaton se dy shqiptarët që ndodhen prej disa muajsh në Itali, dhe se janë pjesë e rrjetit të trafikut të drogës që merret vetëm me lëvizjen e parave./Opinion.al

Pas