Aktualitet

Balluku-Vjosa Osmanit: Trau i Rrugës së Kombit nuk është për të na ndarë


Bëhu pjesë e Grupit Zyrtar të Opinion.al
>> KËTU <<
               Publikuar në : 20:54 - 21/12/20 |
Doriana Çepunaj

Ministrja e Infrastrukturës dhe Energjisë, Belinda Balluku i është përgjigjur Presidentes në detyrë të Kosovës, Vjosa Osmani në lidhje me deklaratën e saj se nuk është i nevojshëm trau i Rrugës së Kombit për të ndarë Shqipërinë dhe Kosovën.

Balluku në një intervistë në Abc news u shpreh se pagesa te trau është e domosdoshme për mirëmbajtjen e rrugës. Sipas saj pagesa të tilla aplikohen në të gjitha vendet e botës.

“Të gjitha trarët që ndodhen në Itali ndajnë Firencen nga Roma? Jo, duhet të paguhet rruga sepse duhet mirëmbajtur. Nuk e kam ndjekur kërkesën e Presidentes, por unë e kam kuptuar se ndoshta i referohet traut të kufirit.

Nëse i është referuar rrugës së Kombit, i them se nuk ka lidhje trau me pagesën, me ndarjen e shteteve. Trau i rrugës së Kombit nuk është për të na ndarë ne dhe kosovarët, por është një autostradë që duhet mirëmbajtur.

Dua të them që nesër kur të ekzistojë një tra nga Miloti në Fier, kjo nuk do të thotë që kemi ndarë Shqipërinë në mes. Është diçka që ndodh në të gjithë botën, që rrugët të mirëmbahen , por do të ketë edhe rrugë alternative”, tha Balluku.

Vjosa Osmani gjatë vizitës zyrtare disa ditë më parë në Tiranë e ka konsideruar, traun e vendosur nga qeveria në rrugën e Kombit si një barrierë që pengon lëvizjen e lirë mes dy vendeve./Opinion.al

Pas