Aktualitet

Balluku dhe Yuri Kim vizitojnë termocentralet lundruese në Vlorë



Bëhu pjesë e Grupit Zyrtar të Opinion.al
>> KËTU <<
               Publikuar në : 16:35 - 26/09/22 |
Opi Nion

Ministrja e Energjisë dhe Infrastrukturës, Belinda Balluku, ka vizituar së bashku me ambasadoren amerikane Yuri Kim, termocentralet lundruese në Vlorë.

Balluku tha se Shqipëria ka qenë në garë me Gjermaninë për marrjen e dy anijeve që do të prodhojnë energji.

“Kemi konkurruar deri në moment të fundit për Gjermaninë. Por Excelerate vendosi që të humbte para duke pasur parasysh që ne do të kemi një partneritet afatgjatë. Kemi qenë në garë me Gjermaninë nëse do të vinin këtu apo atje. Kompania kishte 10 anije, të gjitha të zëna dhe këto ishin dy anijet e fundit që ne ia dolëm t’i merrnim”, tha Balluku.

Nga ana tjetër, Kim tha se vendet si Shqipëria duhet të diversifikojnë burimet e energjisë në mënyrë që të jenë më të pavarura.

“Vendet si Shqipëria duhet të diversifikojnë burimet e energjisë në mënyrë që të jenë më të pavarura. Që nga viti 2020 kemi filluar të flasim për energjisë. Nuk duken të bukura, por rëndësi ka që funksionojnë. Vitin e kaluar konsumi ka qenë 8,4 terravat. Nëse funksionon si duhet, do të prodhojnë 114 megavat, rreth 12-15% të nevojave të vendit”, tha Kim.

Termocentralet lundruese të prodhimit të energjisë janë vendosur në Vlorë nga kompania amerikane “Excelerate Power”./Opinion.al

 

Pas