Një person në Hollandë është bërë i pari në vend që merr një pasaportë ku gjinia e tij cilësohet as mashkull as femër, por neutrale.
Lajmi vjen pas një vendimi gjyqësor. Ky vendim njeh një gjini të tretë për njerëzit që nuk identifikohen as meshkuj as femra.
Leonne Zeegers, një 57-vjeçar/e nga Breda, ka marrë një pasaportë me ‘X’ si specifikim gjinor. Ky specifikim vjen në vend të ‘M’ për ‘mannetje’ (mashkull) ose ‘V’ për ‘vrouw’ ( femër).
Kur Zeegers lindi ai u cilësua si ‘mashkull’ në certifikatën e tij të lindjes. Ai gjithashtu u rrit si një djalë.
Sipas televizionit dhe radios hollandeze Omroep Brabant, Zeegers e kuptoi gjatë pubertetit që nuk ndihej një mashkull dhe në vitin 2001 iu nënshtrua operacionit për t’u bërë femër.
Hollanda nuk është vendi i parë që ka futur në përdorim pasaportat me gjini neutrale.
Në vitin 2003 ishte një australian i quajtur Alex MacFarlane, i cili vendosi një X në pasaportë, duke u bërë i pari person në botë që solli këtë risi.
