Aktualitet

Arrestohet në Morinë, udhëtonte me makinën e vjedhur të Ministrisë së Mjedisit



Bëhu pjesë e Grupit Zyrtar të Opinion.al
>> KËTU <<
               Publikuar në : 21:14 - 17/08/22 |
Opi Nion

Një shtetas nga Kosova është arrestuar nga autoritetet në Morinë pasi ka tentuar të kalojë kufirin me një mjet të vjedhur.

Policia bën me dije se ka ndaluar 43-vjeçarin me inicialet Q.S., me mjetin tip Audi A3, i vjedhur nga një institucion. Sikurse raportuan mediat kosovare, është fjala pikërisht për mjetin e  Ministrisë së Mjedisit dhe vjedhja e mjetit ishte denoncuar nga vetë shoferi i institucionit.

Njoftimi nga policia

Qafë Morinë, Tropojë

Tentoi të kalonte kufirin me automjet të vjedhur, në pronësi të një institucioni të Republikës së Kosovës, vihet në pranga.

Në PKK Qafë Morinë, në hyrje të RSH, shërbimet e Policisë Kufitare, në vijim të punës për goditjen e krimeve ndërkufitare, si rezultat i kontrolleve me përzgjedhje, kanë kaluar në vijë të dytë për kontroll më të imtësishëm, automjetin tip “Audi A3”, me drejtues shtetasin B. S., banues në Obiliq, Kosovë.

Gjatë verifikimit ka rezultuar se automjeti që drejtonte 43-vjeçari, ishte i vjedhur në Kosovë dhe ishte në pronësi të një institucioni shtetëror.

Në përfundim të veprimeve proceduriale, specialistët për Hetimin e Krimeve në Komisariatin e Policisë Tropojë arrestuan në flagrancë, për veprën penale “Trafikimi i mjeteve motorike”, shtetasin B. S., 43 vjeç, banues në Obiliq, Kosovë.

Materialet i kaluan Prokurorisë pranë Gjykatës së  Rrethit Gjyqësor Tropojë, për veprime të mëtejshme.

Pas