Kronikë

Lezhë/Identifikohet autori i grabitjes së argjendarisë



Bëhu pjesë e Grupit Zyrtar të Opinion.al
>> KËTU <<
               Publikuar në : 21:18 - 17/08/22 |
Opi Nion

Është identifikuar autori i grabitjes së argjendarisë në qytetin e Lezhës. Bëhet fjalë për një 17-vjeçar me inicialet K.N, banues në këtë qytet.

I riu është ndalur me motor përpara agjendarisë, ndërsa në kokë mbante një skafandër. Pavarësisht pranisë dhe përplasjes fizike me pronarin ai ka arritur të marr një pjesë të bizhuterive në vitrinë.

Policia e ka shpallur në kërkim, ndërsa mbi të rëndon akuza e grabitjes me dhunë.

Njoftimi i policisë:

Lezhë / Vodhi bizhu në një argjendari, duke u konfrontuar fizikisht edhe me shitësin e argjendarisë, identifikohet dhe shpallet në kërkim një 17- vjeçar.

Specialistët për hetimin e krimeve në Komisariatin e Policisë Lezhë, kanë identifikuar dhe shpallur në kërkim shtetasin K.N. 17 vjeç, banues në Lezhë për veprën penale “Vjedhje me dhunë”.

Ky shtetas, në një argjendari në qytet Lezhë, ka vjedhur bizhu që ndodheshin në vitrinë tek dera hyrëse, si dhe është konfrontuar fizikisht me shitësin e argjendarisë i cili është përpjekur ta ndalojë por nuk ka mundur pasi i mituri 17 vjeçar ka arritur të largohet me një motorr bashkë me bizhutë e vjedhura.

Vijon puna për kapjen e tij.

Materialet procedurale u referuan pranë Prokurorisë së Rrethit Gjyqësor Lezhë për veprime të mëtejshme.

Pas