Kronikë

Arrestohet “Eskobari” shqiptar në Itali


Bëhu pjesë e Grupit Zyrtar të Opinion.al
>> KËTU <<
               Publikuar në : 14:03 - 07/02/21 |
Doriana Çepunaj

Një 61-vjeçar shqiptar, i njohur si “Eskobari “ shqiptar është arrestuar në Itali, pasi cilësohet si një nga trafikantët më famëkeq në histori.

Hairi Cukani është vënë në pranga bashkë me një shqiptar tjetër i identifikuar si Bledar Haruni dhe një 26-vjeçar nga Maroku, si rrjedhojë e një operacioni që u realizua nga karabinierët në Borgo Panigale,

Mediat në Itali bëjnë me dije se hetimi për këta persona kishte disa kohë që kishte nisur ku gjithçka ishte koordinuar nga Prokuroria dhe kishte për qëllim shkatërrimin e tregut të drogës midis Borgo Panigale, Bolonjës dhe San Lazzaro.

Po ashtu bëhet me dije se në përfundim të operacionit janë sekuestruar 200 gram kokainë, 150 gram kanabis sativa, në shtëpinë e njërit prej të arrestuarve. Kokaina u gjet e groposur në oborrin e një prej banesave dhe ishte futur në një kavanoz për ta izoluar.

Tashmë dy shqiptarët dhe marokeni janë dërguar në burg dhe gjykata ka vendosur masën e sigurisë “arrest në burg”.

Cukani nga miqtë e tij njihej si me nofkën “Eskobar”, pasi në shumë raste kishte mundur që të arratisej kur policia ka zhvilluar operacione për kapjen e tij. Ai përdorte metoda efektive për të shmangur tërheqjen e vëmendjes dhe kapjen nga karabinierët.

Cukani nuk përdorte telefonin e tij celular dhe raportonte gjithmonë përmes palëve të treta dhe kontrollonte gjithmonë makinën për t’u siguruar që nuk kishte probleme, apo gjurmues për vendndodhjen.

 

Pas