Aktualitet

PD: 5 milionë € në vit për bizneset e hapura nga të rinjtë


Bëhu pjesë e Grupit Zyrtar të Opinion.al
>> KËTU <<
               Publikuar në : 15:03 - 07/02/21 |
Doriana Çepunaj

Zëdhënësja e PD-së, Ina Zhupa përmes një videoje të postuar në rrjete sociale, ka shpjeguar mundësitë e  punësimit të të rinjve sipas programit që ka prezantuar Partia Demokratike për rininë.

Ajo shprehet se PD do të vendosë në dispozicion çdo vit 5 mln euro në mbështetje të bizneseve dhe sipërmarrjeve që do krijohen nga të rinjtë.

Më tej, Ina Zhupa thekson se çdo biznesi që bën një kontratë pune për një të ri, PD do i japë 1 mijë euro biznesit nga fond i punësimit për pagesën e taksave, teksa thekson se Partia Demokratike  ka edhe programe ‘Brain Gain’ për mundësimin e pagesës një vit të çdo profesionisti të ri që do të kthehet përsëri në vend.

“Ne do të vëmë në dispozicion 5 milionë euro çdo vit për mbështetjen e sipërmarrjeve që do të krijohen nga vet të rinjtë. Nëse ke një ide për biznes, ne do të mbështesim që të punësosh veten por pse jo edhe të tjerët. Çdo biznesi që do të bëjë një kontratë pune për një të ri ne do t’i japim një mijë euro nga fondi i punësimit për pagesën e taksave. Kemi programe ‘Brain Gain’ për mundësimin e pagesës një vit të çdo profesionisti të ri që do të kthehet përsëri në vend, gjithashtu ne do krijojmë lehtësira fiskale për kontratat e punës përtej një viti” – tha Zhupa.

PD prezantoi programin për rininë dy ditë më parë. Kreu i PD-së theksoi se të rinjve do tu shpërndahen 5000 mijë bursa të plota në vit, ndërkohë që shtoi se do të angazhohet ndaj që studentët të kenë praktika të paguara./Opinion.al

Pas