Një nëndetëse bërthamore amerikane goditi një “objekt të panjohur” në ujërat e rajonit Azi-Paqësor duke plagosur një numër marinarësh, thanë zyrtarët amerikanë.
Nuk ishte e qartë se çfarë e shkaktoi incidentin të Shtunën, raporton BBC.
Zyrtarët thanë për mediat amerikane se ngjarja ndodhi në ujërat ndërkombëtare në Detin e Kinës Jugore dhe se 11 marinarë ishin plagosur. Incidenti ndodhi në mes të tensioneve në rritje në rajon, për shkak të ndërhyrjeve kineze në zonën e mbrojtur të Tajvanit.
Marina amerikane tha se shkalla e dëmit po vlerësohej dhe se impianti bërthamor i nëndetëses dhe hapësirat nuk ishin prekur.
Gjithashtu zyrtarë thanë se incidenti ndodhi teksa nëndetësja po kryente operacione rutinë dhe se Marina nuk e bëri publik lajmin para të enjtes në mënyrë që të ruante sigurinë operacionale.
Alexander Neill, një ekspert i mbrojtjes dhe sigurisë në Singapor, tha për BBC se dyshohet se nëndetësja “goditi diçka të madhe”./Opinion.al
