Aktualitet

A ka bashkëpunim të fshehtë Berisha-Meta?


Bëhu pjesë e Grupit Zyrtar të Opinion.al
>> KËTU <<
               Publikuar në : 10:24 - 10/11/15 |
b.f

Bashkëpuntorët e vjetër duket se kanë nostalgji për kohët kur qeverisnin me qetësi dhe dashuri Shqipërinë. Sali Berisha dhe Ilir Meta prej disa javësh kanë shkëmbyer në largësi mesazhe bashkëpunimi, të cilat duket se kanë për qëllim jo vetëm nervozizmin e Edi Ramës. Pa marë parasysh tolerancën e kryetarit të parlamentit të enjteve ku ish-kryeministri flet me minuta të tëra i pashqetesuar, që pas zgjedhjeve lokale, disa herë LSI ka dalë në mbrotje të qendrimive të PD. Gjithçka nisi me deklaratat e disa drejtuesve të kësaj partie (përfshirë edhe ministrin e ri të Drejtesisë) që në mënyrë krejt të çuditshme hoqën dorë nga bashkëhartimi i reformës në drejtesi për t’u fokusuar tek domosdoshmëria e përfshirjes së PD në këtë reforme.

Në disa raste “hakmarrja” e Ilir Metës u shfaq dhe në konstituimin e këshillave bashkiakë, ku paprimtas votat e PD-së u bashkuan e ato të LSI-së duke nxjerrë jashtë loje PS-në. Në largësi, Sali Berisha dhe Ilir Meta nisën të përcillnin mesazhe të një afrimi. Kulmi i së cilës ishte deklarata e Berishës sipas të cilës ai nuk kishte pranuar të dërguar të Ramës për të ndryshurar Kodin Zgjedhor në kurriz të LSI-së, duke rritur pragun e hyrjes në Parlament. Pas kësaj, dorëheqja e djeshme e ministrit të Drejtesisë komfirmoi edhe njëherë bashkëpunimin (ndoshta jo vetëm në heshtje) mes Metes dhe Berishës.

Më parë se Nasip Naço të publikonte letrën me arsyet e dorëheqjes, ishte ish- Kryeministri që në një status në FB shpjegonte më së miri të njëjtat arsye, atë të ngecjes së reformës në drejtësi. Pra Berisha e dinte qartas, ndoshta me parë se kryesia e LSI se çfarë do të perdorej si justifikim për dorëheqjen, ndërsa si “ujk i vjetër” i politikes e dinte qartas që pas largimit të Naços qëndronin arsye që kanë të bëjnë me ngërçin në marrëdhëniet mes partive në koalicion.

Meta dhe Berisha e njohin mirë njëri-tjetrin si ish-bashkëpunëtorë që për thuajse 4 vjet qeverisën pa shumë kokëçarje. Madje ndryshe nga Rama që në momentet e vështira largohet dhe “lan duart” nga akuzat e bashkepuntoreve, Berisha ka treguar se në momentet e vështira të Ilir Metës mund t’i shpallë lufte bashkëpunëtorëve të tij, por kurrsesi të prishë koalicionin që ka ndërtuar vetë.

Në këtë situate, duket se presionit për tërheqjen e ministrit të Drejtësisë, Ilir Meta po i shton dhe dozat e bashkëpunimit në distance me ish -Kryeminstrin. Por a do të shtrihet me gjerë ky flirt i Berishës me ish- bashkëpuntorin e tij? A do të jetë Basha, kryetari aktual i PD pjesë e lojës së re e cila mund të sjellë ndryshime në konfiguracionin qeverisës, por edhe më tej ndoshta dhe zgjedhje të reja? A do të tërhiqet ai nga deklaratat se nuk do të bashkëpunojë me Ilir Metën, kur dihet sa të vështirë e ka secila nga partitë e mëdha të fitojë e vetme mazhorancën?

Gjithçka mbetet të vlerësohet në javët në vazhdim, ndërsa Ilir Meta duket se po e humbet qetësine dhe dashurinë me Edi Ramen. Ndërsa në horizont, shkëndijat e dashurisë së vjetër ndoshta do të bëjnë të harrohen dhe fjalet e ashpra që Basha ka përdorur për LSI dhe ansajelltas. Gjë që rëndom harrohet dhe lihet pas shpine kur bëhet fjalë për kolltokun e ëmbël të pushtetit.

KOMENTO (1)

Shkruaj nje koment

Pas