Një tërmet me magnitudë 5.9 ballë ka goditur Turqinë Perëndimore. Ministri i Brendshëm turk bëri me dije se nuk kishte raporte për të vdekur apo për dëme të konsiderueshme.
Autoriteti i Menaxhimit të Fatkeqësive dhe Emergjencave të Turqisë (AFAD), tha se epiqendra e tërmetit ishte në Golyaka, një qark në provincën veriperëndimore të Duzce.
“Ne pothuajse përfunduam kontrollet tona në fshatrat përreth Golyakës. Nuk raportohet për dëme të rënda; vetëm disa hambarë u shkatërruan në këto vende … Pati një ndërprerje të energjisë gjatë tërmetit, por autoritetet po rivendosin energjinë tani, “tha ministri i brendshëm Suleyman Soylu në transmetuesin TRT Haber.
Ministri i Shëndetësisë Fahrettin Koca tha në Tëitter se 35 persona në Duzce dhe provincat përreth ishin plagosur. Raportet e AFAD-it dhe mediave më vonë e përditësuan numrin e të plagosurve në 50.
Disa persona u hodhën nga ballkonet ose dritaret, pas panikut për tërmetin, raportojnë mediat e huaja. Një nga të plagosurit është në gjendje të rëndë, tha ministri.
Tërmeti ra në orën 4:08 të mëngjesit (01:08 GMT) dhe mediat turke thanë se është ndjerë edhe në Stamboll dhe në kryeqytet, Ankara.
The intensity of the earthquake was reflected on the security camera in Bolu#Turkey #istanbul #ankara #deprem #Earthquake pic.twitter.com/QpC0meFUyi
— ابرار بٹ (@ibrarbutt621) November 23, 2022
