Ish-kryeministri Sali Berisha nga Foltorja e Lushnjes ka komentuar edhe shpalljen e zgjedhjeve në FRPD-në, ku tha se është një vendim Stalinist, tipik i Lulzim Bashës.
Më tej ai theksoi se PD dhe sot në vend të luftës për masakrën elektorale ka marrëveshjen për të shtuar PD-në në ministri të narko-shtetit.
“Basha jo vetëm nuk mbrojti votën, jo vetëm nuk e denoncoi nuk e thirri partinë në shesh, por vrapo si tinëzar pas karriges së tij, tradhtoi ju, tradhtoi votën dhe mundin tuaj, votën e PD dhe sot në vend të luftës për masakrën elektorale ka marrëveshjen për të shtuar PD në ministri të narko shtetit. A vjen ai tek ju, nuk vjen dot te ju se ka frikë nga ju, po një njeri që ka frikë nga ju si do e përmbysë Edi Ramën, ai është vetëm peng i tij. Paska vendosur pa pyetur udhëheqjen e rinisë së PD në kokë të tij, krijimin e një komisioni për të bërë zgjedhjet në FRPD, një akt stalinist i mirëfilltë dhe i turpshëm, të rinjtë te ne dhe gratë nuk janë leva të partisë janë forume që ndajmë të njëjtat vlera, të njëjtat qëllime, u bëjë thirrje të rinjve që të marrin në dorë këtë foltore, kjo është për të shtruar PD në shtëpinë e lirisë, synon të vendos, kjo foltore nuk drejtohen ndaj atyre demokratëve që mendojnë ndryshe nga ne, kundër partnerëve apo miqve dhe aleatëve tanë, kjo foltore është një përpjekje e madhe e të gjithëve me ideale të larta konservatore për të shpëtuar opozitën shqiptare”, tha Berisha.
