Aktualitet

Rama: Një 16-vjeçare në Durrës prej 5 vitesh punon për kompanitë e huaja


Bëhu pjesë e Grupit Zyrtar të Opinion.al
>> KËTU <<
               Publikuar në : 18:36 - 05/11/21 |
Opi Nion

Kryeministri Edi Rama deklaroi se qeveria po përgatit programe qe do të përfshijnë artet, sportet në përditshmërinë e nxënësve.

Gjatë një takimi me nxënës në një shkollë në Kamëz, Rama deklaroi se do të ketë investim edhe për mësimin e informatikës. Rama theksoi këtë fakt teksa  përmendi rastin e një vajze 16-vjeçare në Durrës, e cila sipas tij, prej 5 vitesh punon për kompanitë e huaja në Poloni apo Gjermani.

‘Po përgatisim programe të veçanta si do përfshihen artet, sportet dhe zejet në jetën e përditshme të nxënësve. Kemi vendosur edhe një financim jo të vogël për laboratorët. Është fakt që pavarësisht se mund të jenë ndërtuar shumë laboratorë, mjetet e përdorura në laboratorë janë ose mjete modeste ose mungojnë fare. Është e vërtetë ajo që u tha këtu që duhet bërë më shumë për teknologjinë. Jemi të vetëdijshëm që boshllëku është i konsiderueshëm.

Edhe në Shqipëri pavarësisht se nuk pasur sistem të organizuar dhe mbështetje për ata që janë futur në këtë rrugë ka jo pak të rinj që sot punojnë në tregjet ndërkombëtare duke qëndruar në shtëpi. Në një konsultë në Durrës, një vajzë 16-vjeç na tregoi që kishte 5 vjet që punonte për Poloninë, Gjermaninë nga shtëpia me kompjuterin e vet. Që në moshën 11-vjeç. Kjo nuk është e jashtëzakonshme. Këtu është një potencial i jashtëzakonshëm për të rritur punësimin cilësor të të rinjve. Për t’u dhënë mundësi që të kenë paga përtej çdo limiti të kushtëzuar nga pagat. Ne do bëjmë një investim edhe për mësimin e informatikës.

Sot nuk është e nevojshme të jemi në një hapësirë për të shkëmbyer dijen apo për të marrë informacion. Po përgatisim një sistem me mësuesit më të mirë të mundshëm që do japin mësim pa qenë e nevojshme të jenë prezent fizikisht duke bërë që jo vetëm nxënësit të marrin cilësinë më të mirë të mësimit po edhe mësuesit që janë në klasë të rrisin kapacitetin. Këto do fillojnë të  vihen në zbatim nga viti i ardhshëm shkollor sepse kërkojnë përgatitje”, tha Rama.

Pas