Polumbarët kanë nxjerrë trupat e pajetë të dy elektriçistëve, të cilët u mbytën sot në lumin Drino, pasi makina me të cilën lëviznin ra në lumë.
Aksidenti i rëndë ndodhi në fshatin Kordhocë. Dy punonjësit e OSHEE ishin duke inspektuar zonën pasi kishte avari në linjat e përcjelljes së energjisë elektrike. por si pasojë e terrenit të vështirë dhe errësirës, mjeti me të cilin lëviznin, ra në lumë.
Menjëherë në vendngjarje ka shkuar Policia e Gjirokastrës për të ndërhyrë. Ndërsa për shkak të thellësisë dhe motit të acartë, autoritetet vendore policore kërkuan ndihmën e polumbarëve për të nxjerre automjetin dhe trupat e dy elektriçistëve./Opinion.al
