Si rezultat i rritjes së rasteve me koronavirus, Singapori ka mbyllur shkollat dhe mësimi po zhvillohet online. Por një nënë u tha mediave se, gjatë mësimit të gjeografisë, me programin Zoom në ekran, janë shfaqur disa imazhe te pahijshme dhe vajzës së saj i është kërkuar të performojë akte seksuale.
Zoom-i deklaroi përmes BBC se janë ‘tepër të mërzitur’ prej këtij incidenti dhe lëshoi një udhëzues për mësuesit, në mënyrë që të ruajnë sigurinë e klasave të tyre virtuale.
Çfarë ndodhi gjatë orës së mësimit?
Prindërit u shprehën në mediat lokale se incidentët ndodhën gjatë orës së gjeografisë. Rreth 39 fëmijë ishin duke zhvilluar mësimin online kur aplikacioni u hakua dhe u shfaqën dy burra kaukazian, të cilët bënë komente të pahijshme.
Ora e mësimit u ndalua menjëherë. Nuk dihet se si hakerat fituan akses në program por takimet në Zoom kanë ID nëntëshifrore dhe në teori, mund të bashkohen nga çdo përdorues nëse nuk mbrohen nga organizatori.
Si reagoi qeveria?
Ministria e Arsimit aktualisht po heton të dy shkeljet dhe do të paraqesë një raport të detajuar policor. Si masë paraprake, mësuesit do të pezullojnë mësimin në Zoom derisa të zgjidhen këto çështje të sigurisë. Qeveria i ka udhëzuar të gjithë mësuesve si të përdorin masat e reja të sigurisë./Opinion.al
