Janë minoritetet më të rrezikuara nga koronavirusi?
Koronavirusi mund të prekë këdo, por statistikat tregojnë se disa komunitete preken më shumë se të tjerët. Në Chicago raportohet se 70% e viktimave nga koronavirusi ishin me origjinë afrikane, pavarësisht se përfaqësonin vetëm një te treten e popullsisë. Raporte të ngjashme kanë dalë nga New York, Detroit dhe New Orleans.
Si është situata në Angli?
Në dallim nga Amerika, numrat e përgjithshëm të rasteve të konfirmuara të koronavirusit dhe vdekjet në Britanine e Madhe nuk janë aktualisht të ndara sipas përkatësisë etnike. Por ka disa prova që sugjerojnë se koronavirusi ka një ndikim disproporcional tek njerëzit që janë pjesë e pakicave etnike.
Të dhënat nga Qendra Kombëtare e Auditimit dhe Kërkimit te kujdesit Intensiv (ICNARC) sugjerojnë që 34% e pacientëve me koronavirus në gjendje kritike, janë pjesë e pakicave etnike. Hulumtimi është i bazuar në 3,300 pacientë nga njësitë e kujdesit intensiv në të gjithë Anglinë, Uellsin dhe Irlandën Veriore.
Rastet me koronavirus janë përqëndruar në Londër. Për shembull, Brent ka pasur 250 raste për çdo 100,000 njerëz, më i larti në vend. Në tërësi, 40% e njerëzve që jetojnë në Londër janë pjesë e pakicave etnike.
Profesor Khunti shprehet se:
“Mund te ketë disa arsye pse minoritetet po goditen më ashpër nga koronavirusi. Këto arsye përfshijnë popullsinë me pozita te ulëta socio-ekonomike, që kanë profesione, besime dhe sjellje të ndryshme kulturore ose janë në rrezik të lartë për shkak se vuajnë edhe nga sëmundje të tilla si diabeti dhe sëmundjet e zemrës”.
Izolimi në familjet më të mëdha mund të jetë i vështirë, për shembull. Sipas statistikave të qeverisë, 15% e familjeve afrikane klasifikohen si të mëdha, ndërkohë që vetëm 2% e familjeve kaukaze britanike klasifikohen si të tilla./Opinion.al
