TIRANE- Me sa duket refreni “erdhi uji Dajti” apo “ujë i freskët Selite” nuk do të dëgjohet më në Tiranë. Për të ndaluar ujin që shitet me autobote apo furgonë pa asnjë standard policia e Tiranës në bashkëpunim me drejtorine e ujësjellës kanalizimeve kanë nisur një aksion të përbashkët.
Për pasojë , 10 shtetas që dispononin 8 automjete të përshtatur në formë miniautoboti për tregtimin e ujit, janë ndaluar na blutë e komisariatit numër 4 mesnatën e së martës, në rrugën Tiranë- Dajt. Mjetet që përdoreshin për tregtimin e ujit të pijshëm tek qytetarët janë bllokuar nga policia. Mbi shoferët do të rëndojnë akuzat e administrimit të padrejtë në ujit, dhe shkatërrim i rrjetit të ujësjellësit, bazuar në nenet 158 dhe 159 të kodit penal, si dhe fshehja e detyrimeve tatimore dhe mosapagim i taksave i përcaktuar në nenet 180 -181 të kodit penal. Për këto kundravajtje penale, kodi parashikon nga gjobë deri në 3 vjet heqje lire.
