Ai është jo vetëm një këngëtar i dashur për publikun por edhe për kolegët dhe miqtë e tij artistë. Sinan Hoxha i ka dhënë fund beqarisë së tij, duke u lidhur në martesë me vajzën 20 vjecare nga Kumanova, Andrra Destani. Fillimisht këngëtari në prani të 350 miqëve (kryesisht artistë nga Shqipëria e Kosova), dhe përfaqësueses së Bashkisë, i ka thënë “po” me gjithë zemër Andrrës dhe është bërë zyrtarisht bashkëshorti i saj. Më pas violincelisti, Iljard Shaba e ka shoqëruar valsin e ciftit me këngën “Love me like you do”, (një nga kolonat zanore të filmit “50 hijet e Greit”), duke e bërë më romantike atmosferën për të sapo martuarit si dhe për të pranishmit.
Menjëherë pas kërcimit të ciftit, ka qenë këngëtarja Artiola Toska ajo që ka ndezur atmosferën me këngët e mrekullueshme popullore shqiptare. Ndërsa Soni Malaj dhe Rozana Radi, të parat kolege që kanë “thyer” akullin dhe kanë vallëzuar për nder të shokut të tyre. ” Ju jeni familja ime, harrojini konfliktet sonte dhe kënaquni”, ka qenë ky mesazhi me të cilët ju është drejtuar Sinani kolegëve. Dimë që përvec Artiolës do të këndoj edhe këngëtari i mirënjohur kosovar, Sinan Vllasaliu (mik i ngushtë i Sinanit). Por në një dasëm ku ka kaq shumë këngëtarë jemi të bindur që deri në fund të mbrëmjes, mikrofonin do ta marrin të gjithë për të kënduar.
