Teksa protesta kundër qeverisë hyri dje në ditën e saj të 24-t, kryeministri Edi Rama ka ndarë në rrjetet sociale mesazhin e një qytetari, i cili shpreh një këndvështrim mbështetës ndaj punës së qeverisë dhe fton për reflektim përtej debatit politik të përditshëm.
Më tej, Rama ka publikuar të plotë mesazhin e qytetarit, i cili thotë se ka tentuar të shohë realitetin nga këndvështrimi i kreut të qeverisë.
Qytetari sqaron gjithashtu se nuk ka lidhje me administratën shtetërore dhe se nuk mbështet “verbërisht askënd”, duke e cilësuar reagimin e tij si një përpjekje për të paraqitur “anën tjetër të historisë”.
POSTIMI
MIRËMËNGJES ????
dhe me një nga mesazhet e shumta të këtyre ditëve të habitshme në të keq e në të mirë, të cilin dikush bujarisht e ka postuar e një tjetër miqësisht ma ka dërguar, ju uroj një ditë të mbarë????
*** Ja profili i të panjohurit bujar që më çoi miku me statusin e postimit të videos????
@mr.elprofe
Provova t’i vesh për pak çaste këpucët e kryeministrit.
Jo për t’i bërë lajka. Jo për të bindur askënd.
Thjesht për të parë si do ta shihja unë botën në vendin e tij.
Jam rritur në një Shqipëri ku nuk bëje dot 200 metra pa t’u grisur këpucët.
Do të ishim naivë po të thoshim se nuk janë bërë edhe gjëra të mira.
Kjo nuk do të thotë se çdo gjë është perfekte. As që nuk janë bërë gabime.
Por për sqarim:
Unë nuk ha bukë nga shteti shqiptar që prej vitit 1997.
Nuk jam as i shitur. As i blerë.
Dhe nuk mbështes verbërisht askënd.
Kjo këngë është thjesht një përpjekje për të parë anën tjetër të historisë.
Një kundërrrymë ndaj asaj që dëgjojmë çdo ditë.
E di që do shahem.
Por s’ka problem.
Sepse në fund të fundit:
I shari shan. I mençuri mendon.
