Aktualitet

30-35 raste me Covid përfundojnë në spital çdo ditë


Bëhu pjesë e Grupit Zyrtar të Opinion.al
>> KËTU <<
               Publikuar në : 17:24 - 21/01/22 |
Opi Nion

Rritja e rasteve me Covid ka çuar edhe në rritjen e numrit të personave që kanë nevojë për ndihmë profesionele mjekësore. Në një intervistë për televizionin Klan drejtori i Urgjencës Kombëtare Skënder Brataj thotë se ditët e fundit ka patur një fluks të shtuar të vizitave në banesë dhe transportit në drejtim të spitaleve.

“Në 471 vizita 87 ishin vetëm për Covid nga të cilat 32 janë drejtuar drejt spitaleve si rajonale dhe Covid. Për Dhjetorin ishin 20-25 ndërsa sot jemi 30-35 dërgime në spital, ka një rritje domethënëse”.

Brataj thotë se rritja e nevojës për hospitalizim ishte e pritshme.

“Numri i shtrimeve në spital është i lidhur me kohën e shkurtër të infektimit, sa do më pak të jetë virulent duke pas një numër të madh të infektuarish, po na shtohet numri i shtrimeve”.

Por pavarësisht rasteve rekord të infektimeve ditore shtrimet janë disa fish më të ulëta se e njëjta periudhë e një viti më parë, ku në 20 Janar të 2021 ishin 670 të infektuar dhe 279 pacientë të shtruar në spital ndërsa në 2022 janë 2383 të infektuar dhe 134 pacientë të shtruar në spitalet Covid./ Tv Klan

 

Pas