Sociale

Zhaku, Boby dhe Lenci në mediat ndërkombëtare, nuk i lënë të largohen


               Publikuar në : 10:55 - 15/04/19 |
xhu lia

Mediat botërore kanë sjellë sërish në vëmendje luanët e keqtrajtuar në kopshtin zoologjik të Fierit, të cilët prej disa muajsh ndodhen në kopshtin zoologjik të Tiranës, sërish në kushte jo të përshtatshme. Sipas “Daily Mail” për shkak të problemeve burokratike po vonohet transporti i luanëve për të nisur një jetë të re në Evropë dhe më pas në Afrikë.

Gjithashtu në shkrimin e publikuar nga përditshmja është bërë me dije se pronari i kopshtit zoologjik në Fier i ka bërë kërkesë gjykatës për konpensim, pasi i është dëmtuar biznesi.

Ai nuk ka kërkuar kthimin e luanëve, por ata nuk mund të largohen nga vendi. Që prej tetorit luani 20-vjeçar Zhaku dhe dy këlyshët e tij Boby dhe Lenci janë sjellë në Tiranë, pasi në kopshtin zoologjik në Fier qëndronin kushte çnjerëzore si dhe kanë patur probleme të shumta shëndetësore, ku njëri ngaluanët për pak nuk ka humbur shikimin për shkak të një infeksioni në sy.

Kopshti i Fierit është cilësuar  nga mediat e huaja “si kopshti zoologjik më i keq në Evropë”. Luanët, por edhe kafshë të tjera që ndodheshin në Fier u transportuan në Tiranë me urdhër të Ministrit të Turizmit, Blendi Klosi, pasi u njoh me gjendjen alarmante të tyre.

Kafshët e tjera tashmë janë transferuar në Evropë, por luanët ndodhen ende në kopshtin zoologjik të  Tiranës, i cili gjithashtu ka nevojë për përmirësim të kushteve të tij.

Tre luanët ndodhen të ndarë nga njeri-tjetri të vendosur të kafaze të vogla. Sipas “Daily Mail”, shoqata  ndërkombëtare e bamirësisë  “Four Paws”,  pas dy tentativave të dështuara për të marrë luanët ka hequr dorë, pasi autoritetet në Shqipëri refuzojnë të përgatisin dokementacionin e duhur.

Drejtues të kësaj shoqata janë shprehur se qëndrimi i luanvë në Tiranë do të ishte i përkohshën dhe nuk kuptojnë përse procesi ka mbetur në mes, kur bashkëpunimi herë të tjera me autoritet shqiptare ka rezultuar me sukses. Luanët kanë ende nevojë për kujdes të specializuar mjekësor që nuk ofrohet ne vendin tonë./Opinion.al/

 

Pas