Kryesore

Zgjedhorja/ Mazhoranca refuzon propozimin e ri të opozitës


Bëhu pjesë e Grupit Zyrtar të Opinion.al
>> KËTU <<
               Publikuar në : 18:56 - 18/06/20 |
Al Do

Mazhoranca dhe opozita vijojnë të mos bien dakord sa i përket procesit të zgjedhjes së anëtarëve të KQZ-së.

Në përfundim të mbledhjes së sotme të Këshillit Politik, përfaqësuesi i Partisë Demokratike, Oerd Bylykbashi tha se mazhoranca nuk e ka pranuar as propozimin e ri të opozitës.

Është folur për çështjen e përbërjes së Komisionit qendror të Zgjedhjeve. Të sigurojnë garancitë që KQZ në nxjerrjen e  akteve nënligjore nuk do të kemi maxhorancë që shkatërron zgjedhjet. Ne bëmë përsëri këtë prezantim, dhe i kërkuam maxhorancës që ndërkohë me këtë hap të dytë iu afruam shqetësimin që kishte, të heqë dorë nga këmbëngulja që të çojë në një proces që nuk jep asnjë rëndësi. Maxhoranca nuk e pranoi duke arsyetuar që ky sistem i sistem politizon, argument që nuk qëndron, I ftuam të reagojnë në mënyrë konstruktive që KQZ të ngrihet sa më shpejt për t’i hapur rrugë implementimit të identifikimit biometrik në të gjithë vendin”, tha Bylykbashi.

Pas dakordësimit për reformën zgjedhore, palët politike po përplasen në lidhje me formulën e zgjedhjeve të anëtarëve të Komisionit Qendror të Zgjedhjeve.

Opozita ka bërë sot një propozim të ri për zgjedhjen e anëtarëve të Komisionit Qendror të Zgjedhjeve, duke hequr dorë nga procedura e përzgjedhjes së anëtarëve të KQZ nga avokati i popullit dhe e rikthejnë në Kuvend.

Sipas formulës së re të propozuar nga opozita, 12 anëtarët e rinj të KQZ të zgjidhen nga Kuvendi. Sakaq në propozimin e saj ajo kërkon që në Komisioni të mos përfshihen deputetë.

Me sa u tha nga Bylykbashi, mazhoranca nuk bie dakord as me këtë propozim. /Opinion.al

Pas