Kryesore

Zgjedhoja/Gjiknuri:Do garantojmë me votë përfaqësuesit e opozitës në KQZ


Bëhu pjesë e Grupit Zyrtar të Opinion.al
>> KËTU <<
               Publikuar në : 19:20 - 18/06/20 |
Al Do

Pas përfundimit pa konsensus të mbledhjes së Këshillit Politik, ditën e sotme, përfaqësuesi i mazhorancaës, Damian Gjiknuri, tha se shpejt do të ketë dakordësi.

Zgjedhja e anëtarëve të KQZ është pika ku palët nuk po bien ende dakord. Dy ditë më parë mazhoranca refuzoi një propozim të formulës së opozitës. Kjo e fundit erdhi sot në tryezë me një propozim të ri i cili nuk është pranuar por siç tha Gjiknuri është për tu përshëndetur.

Ndër të tjera ai zbuloi se mazhoranca nuk është dakord me përjashtimin e deputetëve nga procesi i zgjedhjes së anëtarëve të KQZ-së por shtoi se ata do të mbështesin me votë kandidaturat e opozitës.

”Gjëja e parë që dua ta përshëndes është që PD po vinë tek skema brenda Kuvendit. Por me propozimet e saj, si formulë e ngjashme me organet e drejtësisë nuk është e tillë, pasi komisionet janë prapë me përfaqësues politikë. Deputetët e Kuvendit duhet të jenë të përfaqësuar në këtë panel përzgjedhës. Skema e KQZ-së e përzgjedhësve më parë nuk ka funksionuar keq. Dua ta deklaroj publikisht që mazhoranca ekspertët apo përfaqësuesit që do të konkurrojnë për anëtarë të KQZ, këta përfaqësues të denjë do të kenë mbështetjen e mazhorancës nëse kanë dhe mbështetjen e opozitës.

Brenda skemës së komplikuar mund të ketë zgjidhje. I kërkuam që opozita të reflektojë pasi nuk mund të përjashtosh pjesëmarrjen e deputetëve në këtë proces. Jam i bindur që kjo formulë do të zgjidhet si dispozitë e përkohshme për zgjedhjen e përfaqësuesve të KQZ. Opozitës shqiptare do i garantohet që përfaqësuesit që mbështeten prej saj do garantohen nga mazhoranca me votë. Kjo do jetë dispozitë tranzitore pasi këto organe synohet të kenë jetëgjatësi me 84 vota. Dhe më pas që konsensusi do jetë i domosdoshëm. Kjo çështje për më vonë është e superuar.”- tha Gjiknuri. /Opinion.al

Pas