Aktualitet

Zgjedhjet/Prokuroria:47 njoftime për vepra penale,deri tani 3 të arrestuar


Bëhu pjesë e Grupit Zyrtar të Opinion.al
>> KËTU <<
               Publikuar në : 16:10 - 20/05/21 |
Opi Nion

Prokuroria e Përgjithshme ka publikuar ditën e sotme të dhënat lidhur me hetimet për krimet zgjedhore që prokuroritë e juridiksionit të përgjithshëm i kanë në kompetencë.

Sipas Prokurorisë së Përgjithshme, bëhet me dije se deri më tani në të gjithë prokuroritë e vendit janë regjistruar gjithsej procedimin penal për 47 njoftime për vepra penale në lidhje me zgjedhjet elektorale të 25 prillit.

“Nga çështjet e regjistruara kanë përfunduar 6 prej tyre me 4 persona në hetim, prej të cilave 3 procedime me 3 persona nën hetim janë transferuar në SPAK, 1 është pushuar, 1 është pezulluar dhe 1 procedim me 1 të pandehur është dërguar për gjykim. Në prokuroritë e juridiksionit të përgjithshëm janë në proces verifikimi paraprak 41 njoftime për veprat penale në fushën e zgjedhjeve”, thuhet në njoftim.

Prokuroria e Përgjithshme thekson ndër të tjera se aktualisht po ndiqen penalisht për veprat e e lart përmendura 11 persona, teksa janë arrestuar në flagrancë 5 persona dhe është kërkuar masa e sigurisë “arrest në burg” për 4 persona prej të cilave është pranuar kërkesa për 3 persona.

“Përgjatë kësaj periudhe prokuroritë e juridiksionit të përgjithshëm kanë marrë në total 142 njoftime për vepra penale në fushën e zgjedhjeve, prej të cilave: -84 kallëzime në prokurori nga subjekteve politike/kandidatë, shtetas apo institucione shtetërore; -21 referime të policisë gjyqësore dhe -37 ardhur me transferim nga SPAK”, përfundon njoftimi./Opinion.al

Pas