Bota

Zbulohet skeleti i rrallë i një balene 3000-5000 vjeçare në Tajlandë


Bëhu pjesë e Grupit Zyrtar të Opinion.al
>> KËTU <<
               Publikuar në : 09:08 - 27/11/20 |
Al Do

Skeleti mijëra vjeçar i një balene është gjetur i ruajtur në mënyrë të përsosur në Tajlandë. Ai mendohet se i përket një balene Bryde rreth 3,000- 5,000 vjet më parë.

Ministria e Mjedisit në Tajlandë ka shpërndarë fotot e zbulimit ku shihet skeleti 12 metra i gjatë thuajse i paprekur ku vetëm koka është 3 metra.

Marcus Chua i Universitetit Kombëtar të Singaporit për BBC se zbulimi do t’i lejojë studiuesit të zbulojnë më shumë rreth specieve të veçanta në të kaluarën, nëse kishte ndonjë ndryshim krahasuar me balenat e sotme të Bryde.

Skeleti do të sigurojë gjithashtu informacion në lidhje me “kushtet paleobiologjike dhe gjeologjike në atë kohë, duke përfshirë vlerësimin e nivelit të detit, llojet e sedimenteve dhe bashkësitë bashkëkohore biologjike në atë kohë. Ky zbulim do të hedhë dritë mbi të kaluarën pasi të jetë datuar skeleti,” shtoi Chua.

Kockat duhet të datohen nga karboni për të përcaktuar moshën e tyre të saktë, ndërsa rezultatet priten në dhjetor.

Gjiri i Tajlandës ka një histori interesante në 10,000 vitet e fundit, thekson biologu, me nivele deti ndoshta deri në 4 metra më të larta se sot dhe aktivitet aktiv tektonik. Skeleti u gjet në vijën bregdetare aktuale në Samut Sakhon.

Balenat Bryde, të cilat jetojnë në të gjithë botën në ujëra të ngrohtë të butë dhe tropikalë, gjenden edhe sot në ujërat përreth Tajlandës. /Opinion.al

Pas