Tre persona kanë rënë në prangat e policisë dhe një është shpallur në kërkim pasi dyshohet se janë autorët e grabitjes së shtëpisë të të moshuarit 80-vjeçar Hiqmet Ramadani në Memaliaj.
Sipas njoftimit të policisë në pranga kanë rënë 23-vjeçari me iniciale E.A, 22-vjeçari me iniciale A.R dhe 28-vjeçari me iniciale F.R të gjithë banues të Durrës.
Dyshohet se këta persona dhe një tjetër që ndodhet në kërkim mbrëmjën e 4 Janarit kanë hyrë me forcë në banesën e 80-vjeçarit dhe pasi e kanë dhunuar i kanë vjedhur një sasi parash.
Në cilësinë e provës materiale policia ka sekuestruar një automjet, një pjesë në parave të vjedhura si dhe 4 aparate celularë.
Është bërë e ditur se në automjetin e të dyshuarve u gjetën dhe sekuestruan dy doza me lëndë narkotike kokainë.
Zbardhja e kësaj ngjarje u bë në bashkëpunim mes dy komisariateve të Durrësit dhe Gjirokastrës. Gjithashtu sipas policisë mësohet se ky grup, me pseudonimin “Etalon”, dyshohet se ka kryer dhe një sërë vjedhjesh të tjera në qarqe të ndryshme.
Materialet në ngarkim të këtyre shtetasve i kaluan Prokurorisë pranë Gjykatës së Shkallës së Parë Gjirokastër, për veprat penale “Vjedhja me dhunë” e kryer në bashkëpunim dhe “Prodhimi dhe shitje e lëndëve narkotike”.
Njoftimi i Policisë:
Finalizohet me sukses operacioni policor i koduar “ETALON”.
Operacioni nga DVP Gjirokastër në bashkëpunim me DVP Durrës
Zbardhet dhe dokumentohet autorësia e vjedhjes me dhunë e banesës së shtetasit H. R., ndodhur në Memaliaj, mbrëmjen e datës 04.01.2020.
Vihen në pranga 3 nga autorët, si dhe 1 tjetër shpallet në kërkim.
Sekuestrohen 1 automjet, një pjesë e lekëve të vjedhura dhe 4 celularë.
Gjithashtu, në automjet u gjetën dhe u sekuestruan dy doza me lëndë narkotike kokainë.
DVP Gjirokastër, në bashkëpunim të ngushtë me Prokurorinë pranë Gjykatës së Shkallës së Parë Gjirokastër, Stacionin e Policisë Memaliaj, Komisariatin e Policisë Tepelenë dhe DVP Durrës, pas një pune të mirëorganizuar hetimore për zbardhjen, dokumentimin dhe vënien para përgjegjësisë ligjore të autorëve të vjedhjes me dhunë të banesës së shtetasit H. R., finalizoi me sukses operacionin policor të koduar “ETALON”.
Si rezultat i operacionit u arrestuan shtetasit: E. A., 23 vjeç, A. R., 22 vjeç dhe F. R., 28 vjeç, banues në Durrës, si dhe u shpall në kërkim 1 shtetas tjetër dhe vijon puna për kapjen e tij.
Këta shtetas, në bashkëpunim me njëri-tjetrin, në datën 04.01.2020, kanë hyrë në banesën e shtetasit H. R., në Memaliaj, ku kanë vjedhur me dhunë një sasi lekësh.
Në cilësinë e provës materiale u sekuestruan një automjet, një pjesë e lekëve të vjedhura dhe 4 celularë. Gjithashtu, në automjet u gjetën dhe u sekuestruan dhe dy doza me lëndë të dyshuar narkotike kokainë.
Zbardhja e ngjarjes në kohë, si dhe kapja e autorëve, u bë falë një pune të mirëorganizuar nga një grup i posaçëm hetimor i DVP Gjirokastër, nën drejtimin e Prokurorisë së Rrethit Gjyqësor Gjirokastër, si dhe bashkëpunimit mjaft të mirë me DVP Durrës.
Ky grup, me pseudonimin “Etalon”, dyshohet se ka kryer dhe një sërë vjedhjesh të tjera në qarqe të ndryshme, për të cilat vijon puna për zbardhjen dhe dokumentimin me prova ligjore.
Materialet në ngarkim të këtyre shtetasve i kaluan Prokurorisë pranë Gjykatës së Shkallës së Parë Gjirokastër, për veprat penale “Vjedhja me dhunë” e kryer në bashkëpunim dhe “Prodhimi dhe shitje e lëndëve narkotike”./Opinion.al/
