Ka dalë sot para gjykatës, Arsen Muskurti, autori i dyshuar i vrasjes së vëllait dhe kunatës, ngjarje e ndodhur pasditen e 30 gushtit në Tiranë.
Mësohet se ndaj tij është dhënë masa e sigurisë “arrest me burg”.
Sipas News 24 në seancën e sotme ai ka thënë para togave të zeza se: “Kam bërë shtatë kallëzime për vëllanë dhe kunatën. Armën e kam patur me leje. Kallëzimin e fundit e kam bërë ditën e vrasjes”.
Ngjarja e rëndë tronditi dy ditë më parë mbarë vendin. Arsen Muskurti ekzekutoi vëllanë dhe kunatën brenda ambienteve të agjencisë “NOOR Travel”.
Nga kamerat e sigurisë ai u fiksua duke dalë i qetë prej andej pasi kreu krimin e rëndë. Disa orë më pas u vu në pranga nga policia.
