Kronikë

Vrasja në Shkodër/Arrestohet një nga autorët, në kërkim dy të tjerë (Emri)


Bëhu pjesë e Grupit Zyrtar të Opinion.al
>> KËTU <<
               Publikuar në : 09:42 - 29/11/20 |
Opi Nion

Policia e Shtetit ka deklaruar se ka arrestuar një nga autorët e vrasjes së 46-vjeçarit Ridvan Ramazanit, ngjarje kjo e ndodhur ditën e djeshme në fshatin Mushan të Dajçit.

Po ashtu, janë arrestuar dhe dy persona të tjerë të cilët akuzohen për mos kallëzim krimi, ndërsa janë shpallur në kërkim dhe dy persona të tjerë që dyshohet se janë përfshirë në vrasjen e 46-vjeçarit.

Autori i arrestuar është identifikuar si Milkjor Gjoka, 25 vjeç, lindur dhe banues në fshatin Dajç, Shkodër, ndërsa dy personat e  shpallur në kërkim janë dy vëllezërit Hydajet Mehmedaj 33, vjeç dhe Duel Mehmedaj, 31 vjeç, banues në Mushan, Shkodër.

Grupi hetimor ka sekuestruar në vendin e ngjarjes, në cilësinë e provës materiale, një armë zjarri pistoletë, dy krehëra me fishekë pistolete, gëzhoja të armës automatike, automjetin e viktimës dhe prova të tjera të vlefshme që do t’i shërbejnë zbardhjes dhe dokumentimit të ngjarjes.

Ndërkohë, personat e arrestuar për  mos kallëzim krimi janë B. M. 49 vjeç, banues në fshatin Mushan, Dajç, Shkodër dhe M. G., 49 vjeçe, banuese në fshatin Suka-Dajç, Shkodër, të cilët kanë qënë prezent kur ka ndodhur ngjarja dhe nuk kanë kallëzuar në organet kompetente për krimin e ndodhur.

Ndërkohë, autoritetet po punojnë për kapjen e dy vëllezërve të cilët janë përfshirë në vrasjen e djeshme të Ridvan Ramazanit.

Dyshohet se autorët e vrasjes ishin përfshirë në një konflikt me të birin e 46-vjeçarit dhe se ky i fundit ka ndërhyrë për të sqaruar situatën, por është qëlluar me armë për vdekje./ Opinion.al

Pas