Kronikë

Vrasja në Peqin/ Dëshmitari: Autorët ishin të qetë, më thanë futu brenda zotëri


Bëhu pjesë e Grupit Zyrtar të Opinion.al
>> KËTU <<
               Publikuar në : 16:26 - 27/12/21 |
Opi Nion

Detaje të reja kanë dalë nga vrasja e 35-vjeçarit, Albi Bashaliu, në fshatin Gjoçaj të Peqinit.

Pronari i lokalit ku ndodhi vrasja e të riut ka rrëfyer gjithë dinamikën e ngjarjes. Ai rrëfen se dy persona me maskë Covid-i dhe me jakën e ngritur  po e prisnin viktimën përpara lokalit të tij, duke qëndruar brenda makinës së tyre me xhama të zinj. Pasi viktima ka ardhur dhe ka parkuar makinën për të pirë më pas kafe në lokal me kushërinjtë e tij, dy personat i janë afruar dhe e kanë qëlluar.

“Unë isha brenda, ngjarjet ndodhën në rrugë. Një makinë ishte parkuar këtu afër punës time, ishte me targa shqiptare dhe me xhama të zinj, nuk dukeshin njerëzit brenda. Erdhën dy tre persona me çunin e xhaxhit për të pirë kafe në mëngjes, ai zotëria parkoi makinën, sa zbriti këta dolën e qëlluan. Ishin të veshur njëri me xhinse, tjetri me pantallona të zeza, me xhup të zi, me maskë Covidi dhe me jakën e ngritur.
Sipas paraqitjes çuna të rinj dukeshin. Ishin dy persona. Unë isha në dyqan dhe pas të shtënave u frikësuam, edhe 4-5 veta që ishin në dyqan u shtrinë përtokë. Unë dola jashtë se viktima robi im, ata më thanë “Futu brenda zotëri”. Më bërtitën. Kam lokal mu dhimbs viktima, robi im, si ka mundësi të ndodh këtu përpara lokalit. Bën vrasjen, një ndenji aty, tjetri u afrua e gjuajti dhe një herë nga afër, e kontrolloi në xhep dhe i mori çelsat e makinës. Ndezi makinën e viktimës, ky tjetri i hodhi benzinë xhamit dhe dogji makinën e vet. Morën makinën e viktimës dhe ikën. Ishin të qetë nuk ishin të rrëmbyeshëm”, tha ai.

Ngjarja ka ndodhur rreth orës 08:40, të mëngjesit të sotëm. Pak minuta pas policia gjeti të djegur edhe një makinë e cila dyshohet të jetë e autorëve të ngjarjes.
Pas vrasjes banorët i kanë parë autorët të nisen në drejtim të Rrogozhinës, ndërsa autoritetet po kryejnë kërkime për kapjen e tyre.

Pas