Kryesore

Vrasja në Elbasan, BE: Akti i dhunshëm të hetohet me shpejtësi


Bëhu pjesë e Grupit Zyrtar të Opinion.al
>> KËTU <<
               Publikuar në : 19:12 - 21/04/21 |
Opi Nion

Ambasada e Bashkimit Europian në Shqipëri ka reaguar lidhur me vrasjen në Elbasan të Pjerin Xhuvanit nga Arbër Paplekaj, si dhe u plagosjes së Emiljan Prenga 39 vjeç,  Pavlo Vuksani 50 vjeç, Eltjon Bodinaku 32 vjeç, dhëndri i Pjerin Xhuvanit, dhe Xhensila Sota  27 vjeçe, punonjëse e policisë.

Ne një postim në rrjetet sociale, ambasada thotë se ngjarja duhet të hetohet me shpejtësi për të zbardhur të gjithë dinamikën e ngjarjes.

“Akti i dhunshëm që ndodhi sot në Elbasan duhet të hetohet me shpejtësi nga autoritetet kompetente, dhe duhet të bëhet qartësi në lidhje me përgjegjësitë dhe të ndiqet në tërësi.Ne bëjmë thirrje për përmbajtje dhe shmangie të dhunës, retorikës inflamatore dhe gjuhës së urrejtjes në këtë moment vendimtar të fushatës elektorale”, deklaroi ambasada e BE.

Në ngjarjen e ndodhur ditën e sotme, u përfshi dhe drejtuesi politik i qarkut të PD, Gazment Bardhi,  i cili tha se Pjerin Xhuvani së bashku me disa persona të tjerë shpërndanin para për të blerë vota./Opinion.al

Pas