Aktualitet

Vrasja e Florian Selimit natën e Kurban Bajramit, zbulohet manipulimi i dosjes



Bëhu pjesë e Grupit Zyrtar të Opinion.al
>> KËTU <<
               Publikuar në : 22:10 - 05/12/22 |
Opi Nion

Emisioni Uniko i është rikthyer historisë së vrasjes së Florian Selimit në Fier mbrëmjen e Kurban Bajramit më 11 Gusht 2019, një ngjarje që tronditi opinionin publik.

Për këtë krim fillimisht u arrestuan dy autorë të dyshuar, por më pas hetimi i Prokurorisë së Fierit bëri që të dy të liroheshin, provat të humbisnin rrugës e të tjetërsoheshin.

Familja Selimi, veçanërisht nëna e Florianit, Dukate Selimi, ka ndjekur çështjen duke kërkuar drejtësi për të birin në çdo institucion, por nuk mori asnjë përgjigje.

Por pasi denoncoi ngjarjen në emisionin Uniko për herë të parë më 19 Korrik 2021, hetimet morën një rrjedhë tjetër. Ajo akuzoi direkt prokurorin e çështjes si të implikuar për favorizimin e autorëve të dyshuar, të cilët ende sot po gjykohen në gjendje të lirë.

Pas këtij apeli të nënës, por dhe thirrjes që bëri emisioni Uniko, Inspektoriati i Lartë i Drejtësisë propozoi shkarkimin nga detyra të prokurorit pasi me veprimet dhe mosveprimet e tij kishte ndikuar direkt që drejtësia për vrasjen e Florian Selimit të mos jepej. Tashmë hetimin për vrasjen e Florian Selimit e ka marrë në dorë një prokuror tjetër.

Sonte Uniko publikoi dokumentet dhe manipulimet që i ishin bërë kësaj dosje./ Tv Klan

Pas