Kronikë

Vrasja e 58-vjeçarit,flet bashkëshortja:S’e pashë autorin, por vetëm gjak


Bëhu pjesë e Grupit Zyrtar të Opinion.al
>> KËTU <<
               Publikuar në : 08:54 - 27/08/21 |
Opi Nion

Sokol Çelaj, 58-vjeç nga fshati Reç i Malësisë së Madhe ka mbetur i vrarë pas një atentati të ndodhur mbrëmjen e djeshme në Malësinë e Madhe.

Mësohet se në kohën kur ndodhi ngjarja 58-vjeçari ka qenë duke lëvizur me makinë i shoqëruar nga bashkëshortja, e cila iu ka shpëtuar plumbave.

Ndërkohë mësohet se në dëshminë që kjo e fundit ka dhënë para autoriteteve ka deklaruar se nuk kishte parë dot autorin, duke shtuar se kishte dëgjuar vetëm krisma dhe më pas kishte parë gjakun. Sipas saj autori kishte qëlluar direkt.

 ” Sapo kemi dal nga rruga e asfaltuar për të shkuar tek shtëpia, nga e djathta e jonë një person në këmbë ka dal nga pylli dhe ka filluar të qëllojë”, ka thënë ajo.

Nga këqyrja e vendit te ngjarjes dyshohet se autori ka qëlluar me armë zjarri kallashnikov. Sokol Çelaj ka jetuar për 25 vite në Angli dhe me datë 18 gusht është kthyer në Shqipëri.

Grupi hetimor po punon në zbardhjen e ngjarjes dhe gjetjen e autorit të vrasjes./Opinion.al

Pas