Aktualitet

Vonesa e tamponëve/ Manastirliu: Po ndërtojmë edhe një laborator “back-up”


Bëhu pjesë e Grupit Zyrtar të Opinion.al
>> KËTU <<
               Publikuar në : 13:03 - 11/11/20 |
Al Do

Ministrja Ogerta Manastirliu deklaroi sot se është duke u ndërtuar edhe një laborator rezervë për kryerjen e analizave të tamponëve të COVID-19.

Gjatë fjalës së saj me gazetarët, ministrja sqaroi se vonesat në përgjigjen e tamponëve kanë ardhur për shkak të një fluksi të shtuar kërkesash por theksoi se janë katërfishuar kapacitetet e testimit.

“Në një moment të javës së shkuar kemi pasur një fluks për tamponë të ardhur nga fluksi i rasteve që kanë rezultuar pozitivë. Kemi katërfishuar kapacitete dhe kemi vendosur edhe laboratorin në QSUT që vijon të kryejë ekzaminimet në spitale. Po ndërtojmë edhe një laborator back-up, një sistem më shumë për t’i ardhur në ndihmë kapaciteteve të ISHP, për të vijuar rritjen dhe për të siguruar përgjigjen 24-72 or. Ne e kemi dhe do ta kemi këtë standard pavarësisht fluksit që kishim në ato momente”, u shpreh ministrja.

Nga ana tjetër, kryeministri Rama foli për situatën e rënduar nga fluksi duke marrë si shembull situatën e krijuar në Itali përgjatë ditëve të fundit. Rama tha se në Milano nuk ka ambulanca për ata që duan të shtrohen ndërsa shtoi se në asnjë vend nuk është frenuar rritja e rasteve

“Është mirë ta keni parasysh të gjithë edhe ju që jeni gjithës kohës mes realitetit të faktet dhe njerëzve që askund në asnjë vend nuk kemi parë të ketë frenim apo ulje të numrave. Këtu bie teoria e testo se kështu them unë. Testimet i bën Komiteti i Ekspertëve. Qeveria nuk bën testime. Më 5 nëntor në Torino është radha e autoambulancave.  Ka dhe të tjera. Në Milano në faqen 9, presin ambulancat nuk presin në ambulancë. Nuk ka ambulanca për njerëzit që duan të shtrohen”, tha Rama./ Opinion.al

Pas