Rusia përgatitet të mirëpresë 1 milion vizitorë për Kupën e Botës
VLADIMIR PUTIN- rrallë herë flet anglisht në publik, por ai bëri një përjashtim në vitin 2010, kur Rusia fitoi të drejtën për të organizuar Kupën Botërore në 2018. “Nga fundi i zemrës sime, faleminderit,” i tha ai FIFA-s në anglisht.
“Ne duam t’i tregojmë botës Rusinë e re, të hapur dhe mikpritëse në çdo kuptim”, tha ministri i sportit në atë kohë, Vitaly Mutko në Olimpiadë e Soçit në vitin 2014, .
Por që atëherë veprimet e Rusisë në skenën botërore nuk kanë qenë miqësore. Aneksimi i Krimesë në vitin 2014, lufta në Ukrainën lindore dhe ndërhyrja ushtarake në Siri kanë hedhur një grimë mbi marrëdhëniet me Perëndimin.
Megjithatë, ndërsa kupa fillon, bota duket e gatshme të shikojë politikën e kaluar. Edhe pse skuadra ruse, më e dobëta e të gjithë konkurrentëve, do të jetë me fat pasi do ta hap këtë botëror dhe Putin do të korr një fitore PR. Më shumë se 1 milion të huaj pritet të vizitojnë Rusinë gjatë muajit të ardhshëm, duke përfituar nga procedurat e thjeshtuara të vizave. Midis të huajve, amerikanët kanë blerë më shumë bileta.
Rusia nuk ka kursyer shpenzimet për të paraqitur një ‘fytyrë miqësore’, duke vënë në dispozicion rreth 11 miliardë dollarë për infrastrukturën dhe një mori investimesh për shkëlqimin e stadiumeve.
Rrugët e gjera të këmbësorëve dhe gjelbërimi i harlisur përshëndesin vizitorët në Moskë. Qendra krenohet me mbulimin pothuajse universal të wifi falas dhe mbizotërimin e bareve.
Vullnetarët anglishtfolës janë rekrutuar; shoferët e taksive janë inkurajuar të pasurojnë fjalorin e tyre edhe në gjuhën angleze. Drejtuesit e trenave po mësohen të buzëqeshin tek të gjithë pasagjerët.
Për të ruajtur atmosferën festive, autoritetet ruse do të duhet të luftojnë me disa vështirësi. Njëra është kërcënimi i përplasjeve. Dhuna mes huliganëve rusë dhe anglezë në Marsejë dëmtoi Kampionatin Europian në vitin 2016.
Kupa Botërore e Rusisë ofron një objektiv tërheqës për sulmet e armatosura. Grupi i Shtetit Islamik (ISIS) bëri kërcënime të qarta përpara turneut, duke postuar imazhe propagandistike me futbollistët popullorë portokalli.
Siguria është elementi kryesorë i këtij Botërori dhe në një fushë të tillë Rusia e konsideron veten si një eksperte të saj.
Në shumë qytete ku do të luhen ndeshjet janë montuar rreth 2000 kamera shtesë që mbahen nën vëzhgim nga stafe të specializuara për të vëzhguar rreth stadiumeve ku luhen ndeshjet.
Kamerat e reja janë me teknologjinë e fundit me identifikim fytyre gjë që e bën më të lehtë për policinë identifikimin e personave të rrezikshëm, me precedentë apo të dyshuar. Megjithatë sipas specialistëve të sigurisë ruse kjo është vetëm linja e parë që kanë marrë forcat policore dhe jo vetëm.
Janë të shumta forcat speciale që janë të trajnuara për situata kundër sulmeve terroriste dhe drejtuesit e policisë ruse theksojnë që të gjithë do të jenë të armatosur me kallashnikov.
Operacionet ushtarake të Rusisë në Siri e kanë shndërruar këtë vend në një shënjestër për terroristët dhe kërcënimet virtuale nga Shteti Islamik nuk kanë munguar.
Ndoshta tingëllon diçka e frikshme, por autoritetet ruse nuk kanë asnjë shqetësim, ata kanë në gatishmëri edhe të gjitha artileritë e tyre ushtarake në mbështetje të sigurisë së vendit. Analisti i sigurisë ruse Pavëll Felgenhaur thekson edhe një herë se FSB-ja që janë këto forca speciale ruse, as që duan t’ja dinë për të drejtat e njeriut.
Ata mund të shoqërojnë dhe mund të reagojnë ndaj kujtdo që e konsiderojnë si një kërcënim potencial. Ata mund të arrestojnë mes tyre turmave edhe njerëz të pafajshëm, por teoria që kanë është më mirë 1 terrorist dhe 10 të pafajshëm në burg se një terrorist nëpër rrugë.
Pas gjithë këtyre Vladimir Putin shpreson që tifozët e futbollit të injorojnë politikën dhe sistemin qeverisës në këtë vend, dhe ta vizitojnë e të shijojnë Botërorin./Opinion.al-G.Z
