Kryesore

Vizita në Uashington/ Takim me Pompeo, Hoti zbulon detaje nga axhenda


Bëhu pjesë e Grupit Zyrtar të Opinion.al
>> KËTU <<
               Publikuar në : 19:21 - 01/09/20 |
Opi Nion

Delegacioni i Kosovës ka mbërritur mbrëmjen e djeshme në Uashington për takimin e parashikuar në Shtëpinë e Bardhë më 4 Shtator me përfaqësues të Serbisë.

Ndërkohë përmes një publikimi në rrjetet sociale, Kryeministri i Kosovës Avdullah Hoti ka bërë publike axhendën e takimeve të këtyre ditëve në SHBA.

Hoti njofton se delegacioni i Kosovës do të ketë takime me Sekretarin e Shtetit Pompeo si dhe zyrtarë të korporatave për investime dhe zhvillime, ndërsa qeveria e Kosovës do të prezantojë projekte infrastrukturore dhe energjitike.

Megjithatë në publikimin e tij në rrjetin Facebook, Hoti nuk jep detaje mbi takimin me palën serbe apo praninë e Presidentit Trump në këto negociata.

“Delegacioni i Kosovës në Washington do të ketë takime në Shtëpinë e Bardhë, me Sekretarin e Shtetit Pompeo, me zyrtarë të MCC-së, të DFC-së, me përfaqësues të komunitetit shqiptar në SHBA, me rrjetin e bizneseve të mërgatës në SHBA etj.

Në Shtëpinë e Bardhë janë marrë gjithmonë vendime strategjike që kanë quar në liri, pavarësi dhe integrim euro-atlantik të shtetit të Kosovës. Nuk do të jetë ndryshe edhe këtë herë.

Qeveria e Kosovës do të prezantojë projekte të mëdha infrastrukturore dhe energjetike që kontribuojnë në zhvillimin dhe krijimin e vendeve të punës në Kosovë, por që ndikojnë në integrimin më të mirë të Kosovës në tregun regjional dhe evropian”, shkruan Hoti./Opinion.al

Pas