Ministri i Brendshëm Sandër Lleshaj ishte këtë mëngjes në Komisariatin e Malësisë së Madhe, një ditë pas arrestimit të specialistit të këtij komiasariati, Berhan Bajrakurtaj, i cili kishte ngacmuar seksualisht një vajzë 15 vjeçare, duke i çuar në telefon video të turpshme.
Lleshaj tha se nuk e dinin akoma se kush ishte denoncuesi i videos, pasi akoma sipas tij nuk ka një të tillë
Gazetarët: Keni thënë se nëse shihni policë që nuk sillen mirë, ajo është fytyra ime?
Lleshaj: Ftyra e policëve është fytyra ime dhe e juaja dhe e të gjithë juve dhe e shoqërisë tonë. Policët na përfaqësojnë ne të gjithëve. Cili polic?! Ai është arrestuar që mbrëmë!.
Gazetarët: Është thënë që policia nuk ka pranuar denoncimin e vajzës?
Lleshaj: Kjo nuk është e vërete. Policia e shtetit po kërkon që mbrëmë denoncuesin i cili nuk gjendet. Kush është denoncuesi?!
Gazetarët: Pse mbahet i ndaluar?
Lleshaj: Duhet të përandalojmë çdo mundësi intimidimi të çdo denoncuesi potencial. Fakti që nuk kemi denoncues, është pyetja më e madhe që ne do ta sqarojmë shumë shpejt.DL
